Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 106

ગુજરાતના જૈનતીર્થો
૯૫
શ્રી તપોવન સંસ્કાર ધામ : તપોવન સંસ્કાર ધામ, મુ. ધારાગિરિ, પો. કબીલપોર-૩૯૬૪૨૪ (નવસારી). ફોન નં. (૦૨૬૩૭) ૨૫૮૯૫૯ તથા ૨૫૮૯૨૪ છે.
૮૪ : .
શ્રી નવસારી તીર્થ
-
-
ગુજરાતના વલસાડ જિલ્લાના નવસારી મુકામે મધુમતી નામના વિસ્તારમાં શ્રી નવસારી પાર્શ્વનાથજીનું પ્રાચીન તીર્થ આવેલું છે. આ તીર્થની નજીકમાં સીસોદરા, ગણદેવી, સુરત, આલીપોર તીર્થો આવેલાં છે. નવસારી અમદાવાદ-મુંબઈ રેલવેલાઇન પર સુરતંથી ૩૧ કિ.મી.ના અંતરે આવેલું છે. શ્રી નવસારી પાર્શ્વનાથ જિનાલયના વિશાળ પટાંગણમાં ધર્મશાળા, આયંબિલભવન, વાડી વગેરે છે. મહાવીર સોસાયટીમાં શ્રી વાસુપૂજ્ય સ્વામીનું દર્શનીય જિનાલય ઉપરાંત અન્ય છ જિનાલયો અહીં આવેલાં છે.
નવસારીમાં ત્રિશિખરબંધ જિનાલયમાં શ્રી નવસારી પાર્શ્વનાથ પ્રભુની પ્રતિમાજી પદ્માસનસ્થ, ભૂખરા વર્ણની, સપ્તફણાથી વિભૂષિત છે. વિક્રમના ૧૩મા સૈકામાં શ્રી જિનપતિસૂરિએ રચેલ તીર્થમાલામાં નવસારી તીર્થનો ઉલ્લેખ કર્યો છે. ૭૦૦ વર્ષ પૂર્વે પણ નવસારી જૈનોનું મહત્ત્વનું તીર્થધામ રહ્યાના ઉલ્લેખો છે.
મહામંત્રી વસ્તુપાળના નાના ભાઈ તેજપાળે સોપારક તીર્થની યાત્રા પૂર્ણ કરીને પાછા ફરતાં નવસારી આવેલા હતા. તેમણે ભવ્ય બાવન જિનાલયનું નિર્માણ કરાવેલું અને જિનાલયમાં શ્રી પાર્શ્વનાથ પ્રભુને પ્રતિષ્ઠિત કરાવ્યા હતા. આ યાત્રા દરમિયાન મંત્રી તેજપાળે અનેક જિનાલયોના જીર્ણોદ્ધાર કરાવ્યાના ઉલ્લેખો છે. તેજપાળ મંત્રી દ્વારા નિર્માણ પામેલ આ જિનાલય મુસ્લિમોના આક્રમણ દરમિયાન મસ્જિદમાં રૂપાંતરિત થઈ ગયાનું કહેવાય છે, પરંતુ તેમના હાથે જે પાર્શ્વનાથ પ્રભુની પ્રતિષ્ઠા થઈ હતી તે જ આ પ્રતિમાજી હોવાનું મનાય છે. આ જિનાલયના અનેક વાર જીર્ણોદ્ધાર થયા છે.