Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૯૨
ગુજરાતના જૈનતીર્થો
પ્રાર્થપ્રભુના જીવનનો દિવ્ય પ્રસંગ સમાવિષ્ટ છે.
અંગદેશની રાજધાની ચંપાનગરીની બાજુમાં કાદંબરી નામનો વન્યપ્રદેશ હતો. આ વન્યપ્રદેશમાં કલિ નામનો પર્વત હતો. કલિપર્વતની સુમનોહર તળેટીમાં શ્રી પાર્શ્વપ્રભુ કાઉસગ્ગ ધ્યાને સાધનામાં મગ્ન બન્યા હતા. પશુ-પંખીઓ મુક્તમને વિહરી રહ્યાં હતાં. વાતાવરણમાં પવિત્રતાની સૌરભ પ્રસરી હતી. એ વખતે મહીધર નામના હાથીને પ્રભુનાં દર્શનમાત્ર થવાથી જાતિસ્મરણ જ્ઞાન ઊપજ્યુ. મહીધર હાથીના હરખનો પાર ન રહ્યો. તે પ્રભુની પૂજા કરવા અર્થે કુંડ નામના સરોવરમાંથી કમળો લઈ આવ્યો. કુંડ સરોવરમાંથી લાવેલાં કમળો દ્વારા અનેરા ભાવ સાથે શ્રી પાર્શ્વપ્રભુની પૂજા કરી. શ્રી પાર્શ્વપ્રભુની ભક્તિપૂર્વક પૂજા કરવાથી મહીધર હાથી પોતાની જાતને ધન્ય માનવા લાગ્યો.
બીજે દિવસે અંગદેશનો રાજા કરકંડ શ્રી પાર્શ્વપ્રભુના દર્શનાર્થે કલિપર્વતની તળેટી પાસે આવ્યો. ત્યારે પ્રભુ અન્યત્ર વિહાર કરી ગયા હતા. રાજા હાથીને પ્રાપ્ત થયેલા સૌભાગ્યની અનુમોદના કરવા લાગ્યો અને પોતાના ભાગ્ય પર વિષાદ કરવા લાગ્યો.
રાજા કરકંડુના વિષાદનો પાર નહોતો. તેની આંખોમાંથી દડદડ આંસુ વહી રહ્યાં હતાં.
એ વખતે દેવોએ રાજા કરકંડુની પ્રભુ પ્રત્યેની અનન્ય ભક્તિ નિહાળીને નવ હાથની પરમ પ્રભાવક શ્રી પાર્શ્વનાથ પ્રભુની મૂર્તિનું નિર્માણ કર્યું. પોતાની સામે દેવોએ નિર્મિત કરેલી પ્રભુજીની પ્રતિમા નિહાળીને રાજા કરકંડુ અત્યંત હર્ષ પામ્યો. રાજાએ તત્કાળ ત્યાં ભવ્ય જિનાલય બંધાવ્યું. મહારાજા કરકંડ દરરોજ પ્રભુની સેવા-પૂજા શ્રદ્ધાભાવ સાથે કરવા લાગ્યો. આમ આ તીર્થ “કલિકુંડ પાર્શ્વનાથ'ના નામથી પ્રસિદ્ધ થયું.
આ તરફ મહીધર હાથીએ પરમાત્મા પ્રત્યે અનન્ય ભક્તિ દર્શાવીને પૂજા કરી હતી. તેના ફળસ્વરૂપે તે મહદ્ધિક વ્યંતર થયો. તે કલિકુંડ તીર્થનો અધિષ્ઠાયક દેવ બનીને તીર્થનો મહિમા વિસ્તારવા
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |