________________
કર્યું. અને તે રડી પડ્યો. આ સંસાર છે. દુનિયાને હસાવનારા ય રૂમ બંધ કરીને ધ્રુસકે ધ્રુસકે રડતા હોય છે. દુનિયાના મોટા ભાગના પાગલખાના, જેલો, ચિલ્ડ્રન રિમાન્ડ હોમ્સ આ બધાનાં મૂળમાં ટી.વી., વિડિયો, થિયેટર, મોબાઈલ, નેટ વગેરે હોય છે. એક બાળક ૩ વર્ષનો હોય, ત્યારથી ટી.વી. જોવાનું શરૂ કરે તો તે ૧૬ વર્ષનો થાય ત્યાં સુધીમાં ૩૩,૦૦૦ ખૂન અને ૭૨,૦૦૦ રેપ્સ જોઈ ચૂક્યો હોય છે. આ બાળક આ બધું જોઈને કેવો થશે ?
આ દેશમાં મોહન નામનો એક બાળક હતો. એણે એક નાટક જોયું - હરિશ્ચન્દ્ર. એ નાટક જોઈને એ બાળક કટ્ટર સત્યવાદી બની ગયો. દુનિયાભરમાં સત્ય અને અહિંસાની વાતો કરતો થઈ ગયો. હજારો ખૂનો જોતો આજનો બાળક શું બનશે ? - બ્રિટનના એક થિયેટરમાં શોર્ટ સર્કિટ થયો. આગ લાગી. એક સાથે ૪૦૦ માણસ જીવતા સળગીને ભસ્મીભૂત થઈ ગયા. સ્વિમિંગપૂલમાં છેલ્લી ડૂબકી ને સાઈકલનો છેલ્લો રાઉન્ડ લગાવવા ગયેલ છોકરો રામશરણ થઈ ગયો. મહાબળેશ્વરની હોટલમાં બેઠેલા લોકો પર બહારથી કોઈ બોમ્બ ફેંકી ગયું. છોતરે છોતરા ઉડી ગયા. યોગસાર કહે છે -
किं विभुत्वेन किं भोगैः किं सौन्दर्येण किं श्रिया ?
किं जीवितेन जीवानां दुःखं चेद् प्रगुण पुरः ?॥ ધૂળ પડી એ ઓનરશીપમાં, સત્યાનાશ છે એ ભોગો, એ બ્યુટી કે એ સંપત્તિ કે એ જીવન આ બધું જ વ્યર્થ છે. કે જો આગળ દુઃખના પહાડો જ તૂટી પડવાના હોય.
શું ઝેરી બિસ્કીટની મીઠાશને સુખ કહી શકાય ? સમજી લો કે દુનિયાનું બધું જ entertainment ઝેરી બિસ્કીટ જેવું છે. અબજો ડોલર્સનો વેપાર તમારી સુખ-શાંતિના ભોગે થઈ રહ્યો છે. તમે કોઈ વસ્તુ જોઈ, તેની જીદ પકડી, ઘર આંખુ માથે લીધું, તમે રોયા, રિસાયા, બધાંને અપસેટ કર્યા, The Finest Fun
