________________
આંખોમાં આંસુ ઘસી આવ્યા. એમણે ભાવાવેશમાં આવીને કહ્યું કે તમારા જોર જુલમથી એક ભેંસ પર તમે અત્યાચાર કર્યો અને ૧૪ પેકેટ્સ બનાવ્યા, એમાં હું તમારી શું પ્રશંસા કરું ? આ ૧૪ પેકેટમાંથી ફરી એ ભેંસ બનાવી દો, તો તમારી પ્રશંસા કરું ? ઓ નરાધમો ! તમારી પાસે કદાચ હાથીને ય મારવાના શસ્ત્રો હશે, પણ અમારી પાસે કીડીને ય બચાવવાના શસ્ત્રો છે. પરમ પાવન શ્રી દશવૈકાલિક સૂત્ર કહે છે -
सव्वे जीवा वि इच्छंति, जीविउं ण मरिजिउं ।
तम्हा पाणिवहं घोरं, णिग्गंथा वज्जयंति णं ॥ સર્વ જીવો જીવવા જ ઈચ્છે છે, મરવા માટે નહીં, માટે જીવહત્યા એ ભયાનક છે, નિગ્રંથો તેનો ત્યાગ કરે છે.
ધર્મચિ અણગારે બીજો ઓપ્શન લીધો, ના, તેમનો તો એ એકનો એક જ ઓપ્શન હતો. દુનિયા કહે છે જીવો અને જીવવા દો- આ મહાવીરનો સિદ્ધાંત છે, દુનિયાને ખબર નથી કે મહાવીરની ભૂમિકા શું છે ? મહાવીર તો કહે છે કે જરૂર પડે તો પોતે મરીને પણ બીજાને જીવાડો. ધર્મરુચિ અણગારે આ વિકલ્પ અપનાવ્યો. એ ઝેરી શાક પોતે વાપરી ગયા. થોડી જ વારમાં પ્રાણ છોડી દીધાં.
My dears ! આપણે એ ચાઉ એન લાઈના વારસદાર નથી જેણે પોતાના વિરોધીના ઘરના બધા સભ્યોના ટૂકડે ટૂકડા કરાવી દીધા. આપણે એ નાદિરશાહ કે મિહિરકુલના પણ વારસદાર નથી. આપણે વારસદાર છીએ એ ધર્મરુચિ અણગારના, જેમણે કીડીઓની રક્ષા માટે પોતાના પ્રાણ ન્યોછાવર કરી દીધાં. આપણે વારસદાર છીએ મેતારજ મુનિના, જેમણે ક્રૌંચ પક્ષીને બચાવવા માટે પ્રાણોને ન્યોછાવર કરી દીધાં. આપણે વારસદાર છીએ એ મેઘરથ રાજાના, જેમણે એક કબૂતરને બચાવવા માટે પોતાના જાનની બાજી લગાવી દીધી.
सव्वभूयदयट्ठाए पावयणं भगवया सुकहियं પ્રભુએ જિનશાસનનું આ જ ધ્યેય કહ્યું છે - સર્વજીવદયા.
गह
૨૩
_Sun N Fun
