________________
ઉપરોક્ત ઠરાવ અનુસાર ભારતભરના સમગ્ર તપ. શ્રી સંઘોમાં સાધારણ દ્રવ્યની વૃદ્ધિના કર્તવ્ય સંદર્ભે પર્યુષણ પર્વના મહાન પવિત્ર દિવસોમાં સકળ શ્રી સંઘને અષ્ટમંગલ દર્શનની ઉછામણીનો શુભારંભ થઈ રહ્યો છે, એ પુણ્યાવસરે અષ્ટમંગલનું મહત્વ શ્રી સંઘને અવગત થાય એ હેતુથી પ.પૂ.શ્રી પ્રેમ-ભુવનભાનુસૂરીશ્વરજી સમુદાયના પ.પૂ. પ્રાચીનકૃતોદ્ધારક આ.ભ.શ્રી હેમચંદ્રસૂરીશ્વરજી મહારાજાના શિષ્યરત્ન પ.પૂ. વર્ધમાનતપોનિધિ આ.ભ. શ્રી કલ્યાણબોધિસૂરીશ્વરજી મહારાજાના શિષ્ય પૂ. મુનિરાજ શ્રી સૌમ્યરત્નવિજયજીએ ઉપલબ્ધ પ્રાચીન સ્વ-પર ઘર્મશાસ્ત્રોના ઉદ્ધરણો તથા સંશોધનાત્મક લેખો અને પ્રાચીનઅર્વાચીન શિલ્પકલાના સંદર્ભ અણમંગલ માહાભ્ય નામનો ગ્રંથ. તૈયાર કર્યો છે. પ્રસ્તુત પુસ્તિકા એ તે સુવિસ્તૃત ગ્રંથનો લોકોપયોગી સરળ ભાષામાં સાસંગ્રહ છે.
શ્રમણ સંમેલનના ઉપરોકત ઠરાવમાં સર્વસાધારણ દ્રવ્યની વૃદ્ધિના કર્તવ્ય સંદર્ભે અમંગલના ચડાવા ઉપરાંત અન્ય પણ શક્ય ઉપાયો અમલી કરવા માટેનું સૂચન કર્યું છે, જે અંગે “સવી સાધારણ દ્રવ્ય વૃદ્ધિસ્થાના માર્ગદર્શન’ સ્વરૂપે કેટલાક ઉપાયો પણ પુસ્તિકાને અંતે દર્શાવેલ છે. આશા છે કે સકળ શ્રીસંઘને તે સવિશેષ ઉપયોગી થશે.
અવસરોચિત અષ્ટમંગલ પરિચાયક પુસ્તિકા આલેખક પૂ. મુનિરાજશ્રી તથા પ્રકાશન લાભાર્થી ગુરુભક્ત પરિવાર પ્રત્યે સહદય આભાર. પ્રસ્તુત દ્વિતીય આવૃત્તિમાં મુનિશ્રીએ સવિશેષ ઉપયોગી સુધારા-વધારા કર્યા છે, જે પણ આવકાર્ય છે.
અમારા ટ્રસ્ટના સબળ અને સક્ષમ પ્રેરણાસ્ત્રોત પૂજ્યપાદ પ્રાચીનકૃતોદ્ધારક આ.ભ.શ્રીમદ્વિજય હેમચંદ્રસૂરીશ્વરજી મહારાજાની પુણ્યપ્રેરણાના પીયૂષપાન થકી પ્રસ્તુત પુનિત પ્રકાશન દ્વારા શ્રી સંઘભક્તિમાં યત્કિંચિત્ નિમિત્ત બનતાં જીવનની ધન્યતા અને સુકૃતની સાર્થકતા અનુભવીએ છીએ.
લિ.
શ્રી જિનશાસન આરાધના ટ્રસ્ટ વતી, શ્રી ચંદ્રકુમારભાઈ જરીવાલા શ્રી પુંડરિકભાઈ શાહ શ્રી લલિતભાઈ કોઠારી શ્રી વિનયચંદ્ર કોઠારી