________________
14
वर्तमान तीर्थंकर श्री सीमंधर स्वामी
प्रश्नकर्ता : तिथे तर पोहोचते, परंतु हे तर खूपच दूर आहे ना?
दादाश्री : हे कलक्त्यासारखेच आहे. डोळ्याने दिसत नाही ते सर्व कलकत्ता(सारखे)च म्हटले जाईल! ते कलक्त्यात असो की बडोद्यात असो, ते आता डोळ्याने दिसत नाही ना!
प्रश्नकर्ता : आपण जी भक्ति करतो, भाव करतो तर ते सर्व त्यांच्यापर्यंत पोहोचते?
दादाश्री : लगेचच पोहोचते. एक प्रत्यक्ष आणि एक परोक्ष. परोक्ष तर कितीतरी दूर असते आणि प्रत्यक्ष तर रुबरु असते की जे या डोळ्याने दिसते!
प्रश्नकर्ता : पण त्या परोक्षचा लाभ किती? परोक्ष आणि प्रत्यक्षच्या लाभात किती फरक?
दादाश्री : परोक्ष तीन मैल दूर असो की लाख मैल दूर असो तरी सुद्धा तेच आहे. अर्थात दूर आहे त्याची काही हरकत नाही.
प्रश्नकर्ता : परंतु जे प्रत्यक्ष आहेत ते विचरत असणारे तीर्थंकर आहे ना?
दादाश्री : मूळात तर प्रत्यक्ष शिवाय काही काम होतच नाही ना!
आता तर त्यांच्याशी तुमची ओळख करुन देत आहोत, आम्ही जे हे दररोज बोलायला सांगतो ना, तर तिथे जावे लागेल. त्यांचे दर्शन कराल, त्या दिवशी मुक्ती! हेच अंतिम दर्शन!
प्रश्नकर्ता : महाविदेह क्षेत्रात?
दादाश्री : हो, आम्ही तर खटपट करणारे. (कल्याणासाठी खटपट करणारे) आहोत. आमच्याजवळ एकावतारी पद प्राप्त होते. आमच्याजवळ परिपूर्ण होऊ शकत नाही. म्हणून सीमंधर स्वामींचे नाव घ्यायला सांगतो
