________________
પ્રસ્તાવના પિસ્તાલીસ લાખ યોજનના મનુષ્ય ક્ષેત્રમાં એક સાથે કોઈ અનુષ્ઠાનની આરાધના થતી હોય તો તે છે નવપદજીની આરાધના, સિદ્ધચક્રની આરાધના, અને એ પણ અનાદિ અનન્ત, આ આરાધના શાશ્વત છે, સનાતન છે. એનો આદિ છોર ન મળે એનો અંત છોર પણ ન મળે. આ નવપદની આરાધના એટલે સમગ્રતયા સંપૂર્ણ જિનશાસનની આરાધના.
નવ દિવસોની આરાધના આજ દિવસોમાં કેમ? કેમકે આ દિવસો અયનસંધિના દિવસો છે. ઉત્તરાયણ અને દક્ષિણાયણનો ભેટણ કાળ છે. આ અને સંધિકાળનો વિશેષ પ્રભાવ છે. સામાન્ય બીજા સમયમાં આરાધના કરો અને સંધિ સમયે આરાધના કરો, ઘણો ફેર લાગે. આ વાતનું મહત્વ જિનશાસનમાં ઝાઝેરૂ છે. માટે જ જેટલા પણ સંધિકાળ છે એ સમયને સાધિ લેવા કોઈને કોઈ અનુષ્ઠાનો ફરમાવ્યા છે. એવું જ એક અનુષ્ઠાન છે નવપદજીની ઓળી.
છેલ્લા કેટલાક સમયથી ઓળીના આરાધકોની સંખ્યા ઠીક ઠીક વધવા પામી છે. એટલે પૂજ્યશ્રીઓના વ્યાખ્યાનની અપેક્ષા પણ વધી છે. નવપદજીના દિવસો છે એટલે પૂજ્યશ્રીઓના વ્યાખ્યાનમાં નવપદજી અને શ્રીપાલ ચરિત્રના વિષયનું વિશ્લેષણ કરે છે. આમ તો શ્રીપાલ ચરિત્ર એક ચરિત્ર કે કથા જ છે. પરંતુ તત્ત્વચિંતક પૂજ્ય પુરુષો શ્રીપાલ ચરિત્રના પાત્રો અને એની એક એક ઘટના કે પ્રસંગોને લઈને એટલું સુંદર રહસ્ય પ્રગટ કરે છે. જેનો આપણને અંદાજ પણ ન આવે કે આ ઘટના શું આવો સુંદર સંદેશ પાઠવે છે. આ પ્રસંગ શું આવો મઝાનો આદર્શ પાઠવે છે. એ જાણીને ત્યારે દિંગ રહી જઈએ.
અને આ વિષયમાં અમારા પરમતારક પૂ. ગુરુદેવશ્રીની માસ્ટરી... જ્યારે જ્યારે પૂજ્યશ્રીના શ્રી નવપદ-વિષયક વ્યાખ્યાન અને શ્રીપાલ
VII
