________________
૯) કરાએલ ધર્મ કયારેય નિષ્ફળ જતો નથી
આચરેલી ધર્મ આરાધના ભવારમાં કયાંયને કયાંય આત્મ કલ્યાણમાટે ઉપયોગી બને છે, તે નિષ્ફલ જતો નથી. આ વાત અજિતસેન રાજાના જીવન પ્રસંગમાંથી સ્પષ્ટ સમજાય છે.
શ્રીપાલને જાનથી મારી નાખવા ભીષણ યુદ્ધમાટે તૈયાર થયેલ.. ભયંકર રોદ્રધ્યાનમાં રમતો હોવા છતાં તે જ યુદ્ધભૂમિમાં અજિતસેન રાજાને વૈરાગ્યભાવ થયો અને સર્વસંગ ત્યાગ કરી આત્મ સ્વરૂપમાં રમણતા કરાવનાર સંયમ જીવન સ્વીકારી લીધું, રૌદ્રધ્યાનમાં અટવાયેલા વ્યકિતને એકાએક સ્વરૂપ રમણતાવૈરાગ્યભાવ આવ્યો કેવી રીતે?
પૂર્વના સિહરથ રાજાના ભવમાં અજિતસેન રાજાના જીવે જીવનની પાછલી ઢળતી સંધ્યાએ સંયમ સ્વીકારી વિશુદ્ધ આચરણ પાલી અંતે એકમાસનું અણસણ કરેલ છે. આ ત્યાગ, સંયમ અને સ્વરૂપમણતાના સંસ્કાર આત્મા ઉપર જામ થયેલા છે.
કોઈક દુષ્કર્મના કારણે આત્મા ગમે તેવી અવસ્થામાં મુકાયેલ હોય તો પણ યોગ્ય સમયે ઉચિત નિમિત્ત મળતાં તેજીને ટકોરો “બસની જેમ પૂર્વકાળના શુભ સંસ્કાર જાગૃત થઈ આત્માને પુનઃ અધ્યાત્મયાત્રામાં આગળ ધપાવે છે.” કરેલો ધર્મ કયારેય નિષ્ફળ જતો નથી. શાલીભદ્રજીના પ્રસંગમાં પણ આવું જ બન્યું છે. ગોવાળીયાના ભવમાં ખીર વહોરાવાતાં સર્વસ્વ સમર્પણનો ભાવ આવી ગયો તેમાં પણ પૂર્વભવની આરાધનાના સંસ્કાર કામ કરી ગયા, પૂર્વભવમાં ૧૨ વ્રતધારી આરાધક શ્રાવક હતા.
ఉండు డబులు ముడుపులు
