________________
જ ચાલ્યું જશે.
મયણા અને સુરસુંદરીનો આ સંદેશ પ્રત્યેક જીવ પોતાના હૃદયમાં સ્થિર કરે તો જીવન આનંદમય-સમાધિમય બને અને કલ્યાણયાત્રા ના સાચા પથિક બને...
કેવી છે મયણાની શ્રદ્ધા? આખુંય નગર ભયભીત છે, આકુળ વ્યાકુલ છે, જાત અને માલનું શું થશે? તેની ચિંતામાં છે. પરચક્રએ (શત્રુસેનાએ)નગરીને ઘેરો ઘાલ્યો છે. તેવા સમયે કમલપ્રભા વહુને કહે છે, “બેટા આપણું શું થશે? દિકરાને ગયે લગભગ ૧ વર્ષ થઈ ગયું. કોઈ સમાચાર નથી અને બધા ભયભીત છે. આપણા ઘરે કોઈ નર-પુરૂષ નથી. આપણું શું થશે?”
મા ની વાત સાંભળીને મયણા સ્ટેજ પણ ગભરાતી નથી. પણ મક્કમતાપૂર્વક કહે છે કે “માતા ! નવપદના પ્રભાવથી આપણને કોઈ ભય નહીં આવે... ક્યારેય ભય નહીં આવે અને આજે પ્રભુની પૂજા કરતાં મને અપૂર્વ હર્ષ થયો. રોમાંચ થયો. જુવો–જુવો પૂજાને યાદ કરું છું ને મારા રૂંવાડા ખડા થઈ જાય છે. તો ભય શાનો? કંઈપણ ખરાબ નહીં થાય, શુભ જ થશે, સારું જ થશે.”
સિદ્ધચક્ર-નવપદ-પ્રભુ પ્રત્યે મયણાની કેવી શ્રદ્ધા?
આખું નગર ભયભીત છે, રાજા પણ શું કરવું વિચારે છે. તેવા સમયે મયણા નિર્ભય છે. મણયાને ખબર નથી કે મારા પતિદેવ જ આજે સૈન્યને લઈને આવ્યા છે. આપણને શી ચિંતા?' એવી કોઈ ખબર મયણાને નથી. ખબર છે માત્ર નવપદના પ્રભાવની, ખબર છે માત્ર સિદ્ધચક્ર દ્વારા થતી સુરક્ષાની. આથીજ તો “ત્વમેવ શરણં મમ” એ ભાવ જીવનમાં ઘુંટાઈ ગયો છે. આત્માના પ્રદેશ પ્રદેશે રમી રહ્યો છે.
પ્રભુની પૂજા કરતાં કરતાં ક્યારેય આપણને આવો અપૂર્વ આનંદ આવ્યો છે? ક્યારેય રોમાંચ ખડા થયા છે? જરા પોતાના આત્માને પુછી લો. કેમ નહી?
ఉండడు ముడుపులు
