Page Text
________________
સમજતા જઇશું. જો એમ કરવામાં આવે તો અનુષ્ઠાન ક્રમના અનુબંધો તૂટતા જાય. વિધિનો ક્રમ ડહોળાઈ જાય અને તે દુષિત વિધિના કારણે અધ્યવસાયોની શુદ્ધિ જોઇએ તેવી ન થાય. આવી સમજણ ઉંબરને કોઈએ આપી નથી, સ્વયંભૂ તેની ચેતના-આત્મબળ જ યથોચિત પ્રવૃત્તિ કરાવી રહ્યું છે. ઉંબર અહીં આપણને કહી રહ્યો છે, જે પણ અનુષ્ઠાન ક્રિયા કરવાની છે તેનો સમય થયા પહેલાં સમજી લો તો અનુષ્ઠાન અને પૂજ્ય તત્વ પ્રત્યે અહોભાવ-આદર થાય. ચાલુ વિધિમાં સમજવાની પ્રવૃત્તિ તો વિધિનો અનાદર છે. વિધિની આશાતના છે તે વિધાન ક્યાંથી ફળે?
સિદ્ધચક્રજી ક્યારે ફળે?
ઉંબરે મયણાની સાથે રહી આસો સુદ ૭ થી સિદ્ધચક્રની આરાધના શરૂ કરી. આરાધનામાં અદમ્ય ઉત્સાહ છે. પહેલો દિવસ છે, પહેલ વહેલું જ આયંબિલનું પચ્ચખાણ કર્યું છે. પરમાત્માની સ્નાત્રપૂજા કરી સિદ્ધચક્રજીનો અભિષેક કર્યો. શાંતિકળશ કર્યો, પછી તે સ્નાત્રજલ ઉંબરે પોતાના શરીરે લગાવ્યું અને આશ્ચર્ય! અંતરમાં અગમ્ય પ્રસન્નતા પેદા થઈ. વર્ષોથી પરેશાન કરતો કોઢ રોગ અને તેના નિમિત્તે સમગ્ર શરીરમાં થતી દાહ-બળતરા શાંત નહીં, પણ પ્રશાંત થઈ ગઈ. ક્ષણમાત્રમાં આ બધું બની ગયું. શાંતિની અનુભૂતિ ઉંબરને થાય છે. દાહ-ઉષ્ણતા-બળતરા-જલન-વેદના આ બધી ત્રાસજનક પરિસ્થિતિઓ પ્રભુપૂજાથી ક્યાંય પલાયન થઇ ગઇ. ઉંબરને કાંઈ સમજાતુ નથી. હા, બાહ્ય સ્વરૂપ તો યથાવત્ છે, હતો તેવો જ કોઢિયો છે, તો પણ “ચિત્ત પ્રસન્ન રે પૂજા ફલ કહ્યું.” “મનઃ પ્રસન્નતામતિ” એ પંક્તિઓની સાર્થકતા અનુભવે છે. આ પોતાની અનુભૂતિ છે. મયણાને તો ઉંબર કહે છે ત્યારે ખ્યાલ આવે છે. પ્રથમ દિવસે જ સિદ્ધચક્રજી ફળ્યા. તેમાં કાળ કે ચોથા આરાનો પ્રભાવ નથી. પ્રભાવ તો ભક્ત અને ભગવાનના સંબંધનો છે. અંતરની ભક્તિનો છે. આજે પણ સિદ્ધચક્રજીની ફળશ્રુતિ અનેક પુણ્યાત્મા અનુભવે છે. આરો ચોથો કે પાંચમો ગમે તે હોય, સત્યુગ કે કળયુગ ગમે તે યુગ હોય, સિદ્ધચક્રજી તો એક જ છે, સિદ્ધચક્રનો પ્રભાવ એક જ છે માટે જ ઉંબર કહે છે,
ఉండు బలుడుడుపులు
" ©©©©©©©©©©©©©©.૭.૫
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |