Page Text
________________
પ્રભુના દર્શન કરે છે. ઉંબર અને મયણા બન્ને ને પાપકર્મનો ઉદય ચાલી રહ્યો છે તેઓએ આવેલી સ્થિતિને પ્રસન્નવદને સ્વીકારી લીધી છે. આવી સ્થિતિમાં પણ ઉંબર મયણાના વચનથી દર્શન કરવા જાય છે. પ્રભુદર્શન નો સૌથી પહેલો પ્રભાવ આપણા પાપનો નાશ કરવાનો છે. આ બાલ ગોપાલ પ્રસદ્ધિ “દર્શન દેવ દેવસ્ય”સ્તુતિમાં મોક્ષની વાત છેલ્લી છે. પુણ્યની વાત પણ પછી છે, પાપનાશની વાત સર્વપ્રથમ છે. પૂર્વભવોમાં આપણી મન-વચન-કાયાની ખરાબ -અશુભ પ્રવૃત્તિઓથી જે પાપો બાંધ્યા છે, અશુભ સંસ્કારો લઈને આવ્યા છીએ તે દુર કરવાની તાકાત પ્રભુના દર્શનમાં છે. “દર્શન દેવ દેવસ્ય” શ્લોકમાં
પ્રતિમાના દર્શન નહિં દેવાધિદેવ - પ્રભુના દર્શન કરવાથી પાપનો નાશ થાય છે તે વાત સ્પષ્ટ બતાવી છે. પ્રતિમા નિમિત્ત છે, પ્રભુ સુધી પહોંચવાનું માધ્યમ છે. ઉંબરને પ્રતિમામાં દિવ્યતત્વના દર્શન થાય છે. પ્રભુતત્વના દર્શન થાય છે, તેથી એકાકાર બની જાય છે. પોતાનું કે જગતનું ભાન ભૂલી જાય છે, પરમતત્વના દર્શનમાં લીન થઈ ગયા છે. આપણે પણ પ્રભુના દર્શન કરીએ છીએ કુલપરંપરાથી દર્શન કરવાના સંસ્કાર છે તેમાં સમજણ ભળી જાય તો આપણી પ્રવૃતિ બદલાઈ જાય. હાજરાહજુર પરમાત્મા-દિવ્યતત્વ બેઠેલું છે એ ભાવ આવે તો તુંહી તુંહી નો ભાવ પ્રગટ થાય અહીં ઉંબર આપણને કહી રહ્યા છે કે... “પ્રભુના એકજ વારના દર્શન પાપનો નાશ કરી શકે છે. પ્રતિમામાં પ્રભુના દર્શન કરો.”
ઉપાદાન (યોગ્યતા) શુદ્ધ કરો, ઉત્થાન થશે જ.
દેરાસરે દર્શન કરી મયણા સાથે ઉંબર ગુરુદેવ પાસે જાય છે. મયણાની સાથે સાથે ઉંબર પણ યંત્રવત્ ગુરુદેવને વંદન કરે છે. ઉંબરને ધર્મક્રિયાની કોઈ ગતાગમ નથી. મયણા કહે તેમ કરે છે, છતાં ગુરુદેવની નજર ઉંબર તરફ જાય છે. મયણાને તો ઓપચારિક પૂછે છે કે આ નરરત્ન કોણ છે? પરંતુ ગુરુદેવે પોતાના આત્મજ્ઞાનથી ઉંબરના આત્માને ઓળખી લીધો છે. આત્માના સોદાગરો શુદ્ધ ઉપાદાન વાળા આત્માને કેમ ન ઓળખે? ઉંબર તો મૌન છે, જાણે સાધક ન હોય? મયણાએ સઘળી વાત કરી. શાસનની થતી હીલનાની ચિંતા મયણાએ
ఉండలు ముడుపులు.
| SR No. | 034034 |
| Book Title | Shripal Katha Anupreksha |
| Original Sutra Author | N/A |
| Author | Naychandrasagarsuri |
| Publisher | Purnanand Prakashan |
| Publication Year | 2016 |
| Total Pages | 109 |
| Language | Gujarati |
| Classification | Book_Gujarati |
| File Size | 4 MB |