________________
धम्मकहा 8858
(२०) कोण्डेस कहा कुरुमणिगामे एगो गोविंदो णाम गोवो णिविंसु । तेण एगदा कोडरमज्झे एगं पाचीणं सत्थं पत्तं। तस्स सत्थस्स तेण पूया कदा पच्छा भत्तिपुब्वयं पउमणंदिमुणिस्स सत्थं दिण्णं । तस्स सत्थस्स वक्खाणं पुव्वं वि अणेगेहि मुणिहिं कदं पूयिदं य। गोविंदो णिदाणेण मरिय तस्सेव गामे गामपमुहस्स पुत्तो जादो।
इक्कसि तं पउमणंदिमुणिं दिट्ठण तस्स जाइसुमरणं हवी। जेण तवं गिण्हिय कोण्डेसणामगो सत्थपारगामी मुणी जादो। | सत्थदाणस्स फलं इदं णादव्वं।
(२१) सूयर कहा मालवदेसे घडगामे देविलणामस्स कुलालो धमिल्लणामस्स णाई य णिवसित्था। तेहिं पहियाणं विस्समणटुं एगं धम्मट्ठाणं णिम्माविदं । एगदिणे देविलेण मुणी पढमं ठाआविज्जीअ पच्छा धमिल्लेण वि एगो परिव्वाजगो साहू आणीदो। धमिल्लपरिव्वाजगेहि सो मुणी तट्ठाणादो णिव्वासिदो। मुणी बाहिर रुक्खस्स अहो रयणीए चिट्ठमाणो दंसमसगसीतादिबाहं सहीअ।
पातो कुद्धेण देविलेण धमिल्लेण सह जुद्धं कदं। देविलो मरिय विंझाचले सूयरो धमिल्लो य वग्घो जादो। जम्मि गुहाए सूयरो णिवसइ तम्मि एगदा समाहिगुत्ततिगुत्तणामा दो मुणी आगच्छंति ठांति य। मुणिदंसणेण देविलचरस्स सूयरस्स जाइभरणं जादं। जेण तेण धम्मसवणं वदग्गहणं य कदं। तक्काले मणयगंधं जिग्धंतो वग्धो वि तत्थ समागच्छइ। सूयरो मुणिरक्खाणिमित्तं गुहाट्दारे ठादि। सूयरेण वग्घेण सह पुणो वि जुद्धं कदं। दो वि परोप्परं जुद्धेण मुदा। सूयरो मुणिरक्खाए अहिप्पाएण मरिय सोहम्मसग्गे देवो जादो। वग्धो मणिभक्खणस्स अहिप्पाएण मरिय णरयं गदो। वसदिगादाणस्स फलं एदं णादव्वं।
