________________ (2) આનો વિનાશ ન થઇ જાય. હવે મૂળ વાત વિચારીએ. ગણધર ભગવંતોએ રચેલ દ્વાદશાંગીમાંથી અગિયાર અંગ અલબત્ત નાના પ્રમાણમાં આજે આપણા સુભાગ્ય પ્રાપ્ત થાય છે. એવી રીતે આપણા સદ્ભાગ્યે પૂર્વોનો ભાવિ વિચ્છેદ જાણી તેમાંથી અનેક ગ્રંથોને પૂર્વપુરુષોએ ઉદ્ધત કર્યા છે. આપણે જાણીએ છીએ પ્રભુવીરની પાંચમી પાટે થયેલા શäભવસૂરિ મહારાજાએ પૂર્વશ્રુતમાંથી દશવૈકાલિક સૂત્રને ઉદ્ધત કર્યું છે. આજ રીતે અનેક ગ્રંથો પૂર્વોમાંથી ઉદ્ભૂત થયેલા આપણી પાસે હાલ ઉપલબ્ધ છે. ચૌદપૂર્વમાં બીજા અગ્રાયણી પૂર્વમાં રહેલા પ્રાભૃતમાંથી શિવશર્મસૂરિ મહારાજાએ 475 ગાથામાં કર્મપ્રકૃતિ ગ્રંથને ઉદ્ધત કર્યો. અત્યંત ગહન એવા આ ગ્રંથને સમજવા કોઈ મહાન આચાર્ય (જેઓએ પોતાનું નામ જણાવેલ નથી) ચૂર્ણની રચના કરી. આ ચૂર્ણિના આધારે પૂજય મલયગિરિ મહારાજાએ સંસ્કૃતમાં વિશદ ટીકા રચી. વળી આ બન્નેના આધારે પૂજય ઉપાધ્યાય યશોવિજયજી મહારાજાએ પણ વિસ્તૃત ટીકા રચી. પરંતુ આ ગહન ગ્રંથનું અધ્યયન વચ્ચે ઘણા વર્ષોથી બંધ પડેલું. પરમારાથ્યપાદ સચ્ચારિત્રચૂડામણિ સુવિશાળ મુનિગણના સર્જક સ્વ. પ્રેમસુરીશ્વરજી મહારાજને કર્મગ્રંથના પ્રાથમિક અભ્યાસ પછી કર્મપ્રકૃતિ ગ્રંથના અભ્યાસ માટે તીવ્ર ઈચ્છા થઇ. જોકે કર્મપ્રકૃતિના અભ્યાસની પરંપરા નષ્ટ થઈ ગયેલ, છતાં પૂજ્યશ્રીએ હિંમત કરી ચૂર્ણિ અને ટીકાઓ સાથેની કર્મપ્રકૃતિની પ્રત જ્ઞાનભંડારમાંથી કાઢી એનો સ્વયં અભ્યાસ શરૂ કર્યો.
