________________ 34 ગ્રહણયોગ્ય-અગ્રહણયોગ્ય પુદ્ગલવર્ગણાઓ ગ્રહણયોગ્ય-અગ્રહણયોગ્ય પગલવર્ગણાઓ. પૂર્વે કહ્યું હતું કે યોગ વડે જીવ પુદ્ગલોને ગ્રહણ કરે, પરિણમાવે અને અવલંબે. ઉત્કૃષ્ટ યોગવાળો જીવ ઘણા પુદ્ગલોને ગ્રહણ કરે, મધ્યમ યોગવાળો જીવ મધ્યમ પુદ્ગલોને ગ્રહણ કરે, જઘન્ય યોગવાળો જીવ થોડા પુદ્ગલોને ગ્રહણ કરે. હવે ગ્રહણયોગ્ય-અગ્રહણયોગ્ય પુદ્ગલવર્ગણાઓની પ્રરૂપણા કરાય છે - (1) અગ્રહણયોગ્ય વર્ગણા: લોકમાં જેટલા 1-1 પરમાણુ છે તે અનંતા પરમાણુઓનો સમુદાય તે પહેલી વર્ગણા છે. 2-2 પરમાણુવાળા અનંતા સ્કંધોની બીજી વર્ગણા છે. 3-3 પરમાણુવાળા અનંતા સ્કંધોની ત્રીજી વર્ગણા છે. એમ 1-1 પરમાણુની વૃદ્ધિ કરતા સંખ્યાતા પરમાણુવાળા અનંતા સ્કંધોની સંખ્યાતી વર્ગણા છે. અસંખ્યાતા પરમાણુવાળા અનંતા સ્કંધોની અસંખ્યાતી વર્ગણા છે. અનંત પરમાણુવાળા અનંતા સ્કંધોની અનંતી વર્ગણા છે. આ બધી વર્ગણાઓ અલ્પ પરમાણુવાળી અને સ્થૂલ હોવાથી જીવને માટે અગ્રહણયોગ્ય છે. અનંતાનંત પરમાણુવાળા અનંતા સ્કંધોની અનંતાનંત વર્ગણાઓમાંથી જીવને માટે કેટલીક અગ્રહણયોગ્ય છે અને કેટલીક ગ્રહણયોગ્ય છે. (2) ઔદારિકની ગ્રહણયોગ્ય વર્ગણા : અભવ્ય કરતા અનંતગુણ અને સિદ્ધના અનંતમા ભાગ જેટલા પરમાણુવાળા સ્કંધોની વર્ગણા તે ઔદારિકની જઘન્ય ગ્રહણયોગ્ય વર્ગણા છે. ત્યાર પછી ઔદારિકની ઉત્કૃષ્ટ ગ્રહણયોગ્ય વર્ગણા સુધી | | કર્મપ્રકૃતિ બંધનકરણ ગાથા ૧૮-૨૦ની ચૂર્ણિમાં પાના નં. 40 ઉપર કહ્યું છે કે, “અભવ્ય કરતા અનંતગુણ અને સિદ્ધના અનંતમા ભાગ જેટલા પરમાણુવાળા સ્કંધોની વર્ગણા તે જઘન્ય આહારદ્રવ્ય વર્ગણા છે. આહારદ્રવ્ય
