________________ દ્વાર ૬ઠ્ઠ, ૭મુ-અનન્તરોપનિધા, પરંપરોપનિધા 2 3 જીવો અનંતા હોવા છતાં સમાન યોગસ્થાનકો ઉપર અનંતા સ્થાવર જીવો મળે છે. તેથી યોગસ્થાનકો શ્રેણિના અસંખ્યાતમાં ભાગમાં રહેલા આકાશપ્રદેશો જેટલા જ હોય છે. (9) અનન્તરોપનિધા પછી પછીના યોગસ્થાનકોમાં સ્પર્ધકોની વિચારણા તે અનન્તરોપનિધા. પછી પછીના યોગસ્થાનકોમાં પૂર્વે પૂર્વેના યોગસ્થાનકો કરતા અંગુલના અસંખ્યાતમા ભાગમાં રહેલ આકાશપ્રદેશો જેટલા સ્પર્ધકો વધુ હોય છે. વધુ વીર્યવાળા આત્મપ્રદેશો ઓછા હોય છે. પછી પછીના યોગસ્થાનકોની વર્ગણાઓમાં વિર્યના અવિભાગ વધુ હોય છે. તેથી તે વર્ગણાઓમાં આત્મપ્રદેશો ઓછા હોય છે. તેથી તે યોગસ્થાનકોમાં વર્ગણાઓ વધુ હોય છે. તેથી તે યોગસ્થાનકોમાં સ્પર્ધકો વધુ હોય છે. પછી પછીના યોગસ્થાનકના પ્રથમ સ્પર્ધકની પ્રથમ વર્ગણામાં પૂર્વ પૂર્વના યોગસ્થાનકના છેલ્લા સ્પર્ધકની છેલ્લી વર્ગણા કરતા અસંખ્ય વીર્યના અવિભાગ અધિક હોય છે. (7) પરંપરોપનિધા : પરંપરાએ યોગસ્થાનકોમાં સ્પર્ધકોની વિચારણા તે પરંપરોપનિધા. પહેલા યોગસ્થાનકમાં જેટલા સ્પર્ધકો છે તેની અપેક્ષાએ શ્રેણિના અસંખ્યાતમા ભાગમાં રહેલા આકાશપ્રદેશપ્રમાણ યોગસ્થાનકો પછીના યોગસ્થાનકમાં બમણા સ્પર્ધકો છે. ત્યાંથી ફરી તેટલા યોગસ્થાનકો પછીના યોગસ્થાનકમાં બમણા સ્પર્ધકો છે. એમ અંતિમ યોગસ્થાનક સુધી જાણવું. બમણા-બમણા સ્પર્ધકોવાળા યોગસ્થાનકો (દ્વિગુણવૃદ્ધિ યોગસ્થાનકો) સૂક્ષ્મ અદ્ધ પલ્યોપમના અસંખ્યાતમા ભાગમાં રહેલ સમય જેટલા છે.
