________________ 1 1. [ સિદ્ધાંતમહોદધિની જીવનઝલક | –આ. હેમચંદ્રસૂરિ સૂર્ય પોતાના દૈનિક ક્રમ મુજબદરરોજ સવારે ઉગે છે અને સાંજે અસ્ત થાય છે. પણ પોતાના આદૈનિક ભ્રમણ દ્વારા એ જગતના જીવો ઉપર નિઃસ્વાર્થ ઉપકાર કરે છે. નદી અવિરતપણે ખળખળ વહ્યા કરે છે. એ સમુદ્રમાં ભળી જતી હોવા છતાં પણ પોતાના આ પ્રવાહ દ્વારા એ દુનિયાના જીવો પર ઘણો ઉપકાર કરે છે. પૃથ્વી પર વૃક્ષો ઉગે છે, પણ પોતાના અસ્તિત્વ દ્વારા બીજાને ફળ અને છાંયડો આપે છે. બસ, એ જ રીતે સાધક મહાપુરુષો પોતાની સાધના કરવા આ પૃથ્વી પર અવતાર લે છે, પણ એમના સાધનામય જીવન દ્વારા ઘણા જીવો પર ઉપકાર કરતા જાય છે. | વિક્રમની ૨૦મી સદીના ઉત્તરાર્ધ અને ૨૧મી સદીના પ્રારંભમાં આવા જ એક સાધક મહાપુરુષ થઈ ગયા જેમનું નામ હતું સિદ્ધાંતમહોદધિ આચાર્યદેવ શ્રીમદ્વિજય પ્રેમસૂરીશ્વરજી મહારાજા. ચાલો... એમના જીવનની એક ઉડતી મુલાકાત લઈ લઈએ. રાજસ્થાનની શૌર્યભૂમિના પિંડવાડાનગરમાં શ્રેષ્ઠિવર્યભગવાનદાસભાઈ રહે. એમના શીલસંપન્ન ધર્મપત્ની કંકુબાઈએ પીયર નાંદિયામાં વિ.સં. 1940, ફાગણ સુદ-૧૫ના પવિત્ર દિવસે એક પુત્રરત્નને જન્મ આપ્યો. એનું નામ પ્રેમચંદ રાખ્યું. પ્રેમચંદજી ગામઠી શાળામાં છ-સાત ચોપડીનું શિક્ષણ લઈ વ્યવસાય માટે સુરત જિલ્લાના વ્યારા ગામમાં મામાને ત્યાં આવ્યા. ગામમાં વિહારમાં આવતાજતા મુનિઓની ભક્તિ કરતા પ્રેમચંદજીને સ્વયં દીક્ષા લેવાના ભાવ થયા. એકવાર ઘરે કહ્યા વિના સુરત જતા રહ્યા, પણ મોહાધીન સંબંધીઓ પાછા લઈ આવ્યા. થોડા દિવસોમાં તક મળતા ફરીથી વ્યારાથી સવારે ચાલવા માંડ્યું. 36 માઈલ
