________________ આત્માઓ આ વાણીથી પ્રભાવિત થયા. વળી ગુરુદેવશ્રી ચાતુર્માસ પૂર્ણ કરી ત્રણ મુમુક્ષુઓને દિક્ષાપ્રદાન કરી પોતાના ગુરુદેવ પૂજય આ. પ્રેમસૂરિ મ.ને પાલિતાણા ભેગા થયા. સંવત ૨૦૦૬નું પાલિતાણા ચાતુર્માસ પૂર્ણ થયુ. ગુરુદેવશ્રીનું પોતાના ગુરુદેવ આ. પ્રેમસૂરિ મ. વિગેરે વિશાળ પરિવાર સાથે મુંબઈમાં ૨૦૦૭નું ચાતુર્માસ નિર્ણત થયું. પૂજયશ્રીઓ મુંબઈ પધાર્યા. પાછો વૈરાગ્યવાણીનો ધોધ વહેવા માંડ્યો અને વ્યવહારિક શ્રેષ્ઠ જ્ઞાન મેળવેલ અનેક યુવાનો સંસાર છોડી દીક્ષિત થયા. આ યુવાન મુનિઓને સંસ્કૃત, વ્યાકરણ, કાવ્યો વિગેરે ભાષાકીય જ્ઞાન આપી પૂ. ગુરુદેવશ્રી ભાનુવિજયજી મહારાજાએ કર્મગ્રંથના મુખ્ય સિદ્ધાંતોને સંક્ષેપમાં સમજાવી ભૂમિકા તૈયાર કરી પરમારાથ્યપાદ પ્રેમસૂરિ મ. પાસે કર્મગ્રંથ, કર્મપ્રકૃતિ વગેરેનો સુંદર અભ્યાસ કરાવ્યો. એકાદ વર્ષના અંતે અનેક મુનિઓ તૈયાર થઈ ગયા. વળી બીજા મુનિઓ પણ પાછળ તૈયાર કરાયા, અને વિશાળ મુનિગણ પાસે પૂજયપાદશ્રીએ વિશાળ એવા પૂર્વકિય કર્મસાહિત્યનું સર્જન કરાવ્યું. પૂજયપાદશ્રી પાસે કર્મગ્રંથ અને કર્મપ્રકૃતિનો અભ્યાસ અમે કર્યો. પૂજયપાદશ્રીને તો બધા જ પદાર્થો મોઢે રમે. એટલે પુસ્તકના આધાર વિના જ પદાર્થો સમજાવતા. પૂજયપાદશ્રી પાસે પાઠ લીધા પછી અમે પુસ્તકમાં વાંચી એની ટૂંકી નોંધ કરતા અને એની ધારણા કરી રાત્રે નિરવશાંતિમાં એનો પાઠ કરતા. રોજ પુનરાવર્તન કરતા. આ રીતે કર્મગ્રંથ અને કર્મપ્રકૃતિનો અમારો અભ્યાસ પૂર્ણ થયો. સતત પરાવર્તનાના કારણે બધા પદાર્થોનું જ્ઞાન દઢ થયું. આ રીતે કરાતી નોંધને વ્યવસ્થિત કરી પછી પાછળ મૂળગાથા-શબ્દાર્થ જોડી આજ
