Page Text
________________
(૩)શેલતાચાર્ય અને પંથકની ક્ષમાપનાઃ
શેલક રાજાએ વૈરાગ્ય પામી દીક્ષા લીધી. અનુક્રમે ૫૦૦ શિષ્યોના ગુરુ એવા તેઓ શેલતાચાર્ય તરીકે વિખ્યાત થયા. પરંતુ કર્મ સંજોગે ઉત્પન્ન થયેલ વ્યાધિની ભક્તિભાવે કરાતી ચિકિત્સા દરમ્યાન રસકસવાળા આહારની લાલસા ઉત્પન્ન થઇ જતાં અત્યંત પ્રમાદી બની ગયા. રસકસવાળો આહાર ભરપેટ વાપરીને દિવસ-રાત કલાકો સુધી ઊંધ્યા જ કરે. પ્રતિક્રમણ-પડિલેહણ આદિ આવશ્યક ધર્મ ક્રિયાઓમાં પણ શિથિલતા આવી ગઈ. પરિણામે તેમના ૪૯ શિષ્યો પોતાના સંચમ પરિણામોની રક્ષા ખાતર અન્યત્ર વિહાર કરી ગયા. પરંતુ પંથકમુનિ નામે તેમના મુખ્ય સુવિનીત શિષ્ય તેમની સાથે જ ચોમાસું રહે છે. અને ગુરુ મહારાજના ઉપકારને જ નજર સમક્ષ રાખીને તેમના પ્રત્યે જરાપણ દુર્ભાવ ન લાવતાં તેમની દરેક પ્રકારે સેવા કરતા રહ્યા. ચોમાસી પ્રતિક્રમણ કરવાને બદલે શેલ કાચાર્ય સૂઇ ગયા તો પણ પંથક મુનિ તેમના પ્રત્યે અસદ્ભાવ ન લાવતાં સ્વયં ચોમાસી પ્રતિક્રમણ કરવા લાગ્યા. પ્રતિક્રમણની વિધિ મુજબ ગુરુ મહારાજને અભુઠ્ઠિઓ ખમાવવા માટે, તેમના ચરણ પર ધીમેથી હાથ રાખતાં જાગી ગયેલા આચાર્યશ્રીએ કઠોર શબ્દોમાં શિષ્યને ઠપકો આપ્યોતો પણ સુવિનીત શિષ્યગુરુના દોષ ન વિચારતાં પોતાનો જ વાંક વિચારી નમ્ર શબ્દોથી ગુરુની ક્ષમા માંગી. આથી ગુરુને પણ પોતાના પ્રમાદબદલ અત્યંત પશ્ચાત્તાપ થતાં કઠોર પ્રાયશ્ચિત્ત સ્વીકારી અપ્રમત્તપણે સંયમ પાળી આખરે સિધ્ધગિરિ પર અણશણ સ્વીકારી મોક્ષને પામ્યા.
(૪) શરીર રાખથી ખરડાવા છતાં ગુરુની સવળી વિચારણા
બહુમાળી બિલ્ડીંગના ઉપરના માળેથી કોઇબાઈએ પોતાને બિનજરૂરી એવી રાખ, જોયા વિના જ ઉતાવળથી નીચે ફેંકી. રસ્તા પરથી પસાર થઇ રહેલા ગુરુ શિષ્ય ઉપર રાખ પડતાંજ ધુઆંસુ થયેલો શિષ્ય બાઈને ઠપકો આપવા માટે ઉપર ચડવા લાગ્યો. ત્યારે ગુરુએ કહયું – “વત્સ! પાડ માનીએ પ્રભુનો કે આપના ઉપર માત્ર ઠંડી રાખ જ નાખી છે. બાકી આપણું વર્તન તો એવું છે કે આપણી ઉપર ધગધગતા અંગારા જવરસવા જોઇએ. આ તો શૂળીની સજા સોચથી જ પતી ગઈ. આટલી વાતમાં જો આપણે ક્રોધિત થઇ જઇએ તો પછી આપણામાં અને સંસારી જીવોમાં શો ફરક !” સ્વદોષ દર્શનમાંથી નીકળેલી ગુરવાણી સાંભળીને શિષ્ય પોતાના ક્રોધ બદલ શરમિંદો બની ગયો અને ક્ષમા માંગી શાંત થયો. Positive Thinking (સવળી વિચારણા) નું કેવું સુખદ પરિણામ!!!
6
89
8
| SR No. | 032467 |
| Book Title | Saral Sanskrit Aadi Rachnao |
| Original Sutra Author | N/A |
| Author | Mahodaysagarsuri |
| Publisher | K V O Jain Sangh |
| Publication Year | |
| Total Pages | 108 |
| Language | Gujarati |
| Classification | Book_Gujarati |
| File Size | 11 MB |