Saral Sanskrit Aadi Rachnao

SR No.: 032467
Original Sutra Author: N/A
Author: Mahodaysagarsuri
Publisher: K V O Jain Sangh
Total Pages: 108
Language: Gujarati
Classification: Book_Gujarati
File Size: 11 MB

Page 88

ગુલામીને છોડી શકયો નથી પણ આજે કોઇ ધન્ય પળે પંચ પરમેષ્ઠી ભગવંતોની અચિંત્ય કૃપાથી અમને બંનેને અમારી ભૂલનું ભાન થયું છે અને અમે તમને ખમાવવા માટે આવવાની તૈયારી કરતા હતા, ત્યાં જ અણધાર્યા તમે બંને અહીં આવી પહોંચ્યા. ખેર, ‘જાગ્યા ત્યાંથી સવાર અને ભૂલ્યા ત્યાંથી ફરીથી ગણીએ’ એ ઉક્તિ મુજબ ગઇ ગુજરી ભૂલી જઇને હળીમળીને રહેવાની શરૂઆત કરીએ. કહ્યું છે ને કે, ‘સુબહકા ભૂલા અગર શામકો ઘર વાપિસ લૌટતા હૈ તો વહ ભૂલા નહીં કહા જાતા ! હવે આજનું ભોજન આપણે સાથે મળીને અહીં જ કરીએ.’ અને બંને દેરાણી જેઠાણી સગી બેનની માફક હળીમળીને કંસાર બનાવવા લાગી . અમે બધાએ પ્રેમપૂર્વક એકબીજાને ખવડાવીને ખાધું.
ત્યાર બાદ નાના ભાઇએ કહ્યું, ‘મોટા ભાઇ! આપે મારા પર અનેક ઉપકારો કર્યા છે, તેમ હજી પણ એક ઉપકાર કરવાનો છે.’
મેં કહ્યું, “મેં કશો ઉપકાર નથી કર્યો, માત્ર મારી ફરજ અદા કરવા પ્રયત્ન કર્યો છે અને હવે પછી પણ મારા જેવું કાંઇ પણ કાર્ય હોય તો જરૂજ જણાવજે.
નાના ભાઇએ કહ્યું, ‘ આપ જાણો છો કે મારો પુત્ર હવે ઉંમર લાયક થયો છે. ઘણી કોશિષ કરવા છતાં પણ તેના માટે કોઇ કન્યા આપવા રાજી નથી. માટે હવે આ કાર્ય આપેજ કરી આપવાનું છે.’
મેં કહ્યું, ‘ભલે, હું પ્રયત્ન કરીશ’ અને જણાવતા આનંદ થાય છે કે અમારા બંને વચ્ચે પૂનઃ સંપ થયાની વાત જોતજોતામાં ચોમેર પ્રસરતાં દશેક દિવસમાં જ સામેથી યોગ્ય કન્યાનું માગું આવ્યું અને મેં તેનો સ્વીકાર કર્યો. બંનેનો વેવિશાળ થવાની તૈયારી છે.
ખરેખર તમે મને ન મળ્યા હોત તો અચિંત્ય ચિંતામણી નવકાર મહામંત્ર પરની શ્રધ્ધાને હું ખોઈ બેસત અને કોણ જાણે વેરની અગન જવાળામાં હોમાઇને મારો આત્મા કઇ દુર્ગતિનો અધિકારી બની જાત! ખરેખર તમે મારા પરમ ઉપકારી ગુરૂ છો! મારે માટે તો સાક્ષાત્ ભગવાન છો.’ કિરણભાઇએ જવાબમાં લખ્યું કે, આ બધો પ્રભાવ તમે ૩૬ વર્ષોથી દ્રવ્યથી પણ જે નવકાર જાપ કર્યો તેનો છે. તેના પ્રભાવે જ તમને સંમેલનના સમયે શંખેશ્વરજીમાં આવવાની ભાવના થઇ. હું તો નિમિત્તમાત્ર છું. બાકી ખરો પ્રભાવ તો પંચપરમેષ્ઠી ભગવંતોની અચિંત્ય કૃપાનો જ છે. માટે હવે ચાવજ્જીવ શિવમસ્તુ સર્વજગતઃ ની પ્રાર્થનાપૂર્વક ઉત્તરોત્તર ચડતા પરિણામે
€96
78
ૐ