Page Text
________________
આ છે મૈત્રીભાવનાની પરાકાષ્ઠાનો બેનમૂન પ્રભાવ. મહાપુણ્યોદયે મૈત્રીભાવનાના સર્વોત્કૃષ્ટ ભંડાર અને પરોપકારના પરમ વ્યસની એવા શ્રીઅરિહંત પરમાત્માના લોકોત્તર શાસનમાં જન્મ પામીને પણ જો આપણે બીજાનું જે થવાનું હોય તે થાય, પરંતુ મને અનુકૂળતા મળવી જોઇએ” આવી સ્વાર્થવૃત્તિમાં જ રચ્યા પચ્યા રહીએ, બીજાની સુખ-શાંતિ પ્રસન્નતા કેસમાધિના ભોગે પણ આપણે માત્ર આપણા જ સુખ દુઃખનો વિચાર કરતા હોઇએ તો પછી ભલે કદાય દરરોજ નિયમિત ત્રિકાળ સ્વદ્રવ્યથી જિનપૂજા આદિ અનેકવિધ ધર્મક્રિયાઓ કરતા હોઇએ તો પણ હજી આપણે ધર્મના મર્મને સમજ્યા જ નથી. આ અણગમતા સત્યને જેટલું વહેલું સમજતા અને સ્વીકારતા થઈએ એમાં જ આપણું સાચું હિત સમાયેલું છે.
સમસ્ત જીવરાશિ પ્રત્યે મૈત્રીભાવ માત્ર શિવમસ્તુ સર્વજગત....” ઇત્યાદિ બોલી જવા માત્રથી આત્મસાત્ થતો નથી પરંતુ એનો પ્રેકટીકલ પ્રયોગનો પ્રારંભ પોતાના ઘરના તમામ સભ્યો સાથે પ્રેમપૂર્ણ ઉચિત વ્યવહાર કરવાથી થઇ શકે છે.
જે મનુષ્ય પોતાના જ સગા ભાઈ સામે કે પિતા સામે કહેવાતા વારસા હક્ક ખાતર કોર્ટમાં કેસ માંડતો હોય, જે માણસ નજીવી ભૂલમાં પણ વારંવાર આવેશમાં આવીને પત્ની કે સંતાનોને મારઝૂડ કરતો હોય, જે પુત્ર પત્નીઘેલો બનીને પોતાના જન્મદાતા પરોપકારી પૂજનીય માતા-પિતાને વૃદ્ધાશ્રમોમાં ધકેલીને પોતે લકઝરીયસ એરકંડીશન ફલેટમાં મોજ મજા કરતો હોય, જે શેઠ ભયંકર મોંઘવારીનો વિચાર કર્યા વિના નોકર ચાકરને ઓછામાં ઓછો પગાર આપીને વધુમાં વધુ કસ કાઢવાની મનોવૃત્તિ ધરાવતો હોય તે કદાય પર્યુષણમાં કે પ્રતિષ્ઠા વિગેરે પ્રસંગોમાં હજારો લાખો રૂા. ની ઉછામણી દુનિયાને દેખાડવા માટે બોલતો હોય કે જીવદયાની ટીપમાં પહજાર રૂા. લખાવતો હોય “શિવમસ્તુ સર્વજગત” ના નારા બુલંદ સ્વરે લગાવતો હોય કે પર્વતિથિઓમાં લીલોત્તરી ત્યાગ કરતો હોય, સામાયિકમાં ઉઇનો સંઘટ્ટ થવાનું પ્રાયશ્ચિત સ્વીકારતો હોય તો તેનું આ આચરણ કેટલું બધું વિરોધાભાસી અને બેહુદું ગણાય
ઉપરોક્ત પ્રકારની વૃત્તિ-પ્રવૃત્તિ ધરાવતો મનુષ્ય કદાચ ૯ લાખ કે૯ કરોડ નવકાર ગણી નાખે તો પણ એને નવકારના અદ્ભુત પ્રભાવનો અનુભવ ન થાય તેમાં નવકારનો વાંકખરો???
આજ વાતને વધુ સ્પષ્ટ કરવા માટે થોડાજ વર્ષ પૂર્વે બનેલી એક સત્ય ઘટના આવતીકાલે તારા સમક્ષ રજુ કરીશ આજે બસ આટલું જ.
ૐ શાંતિઃ ૐ શાંતિઃ ૐ શાંતિઃ eaceae%%
E X 69 eeeeeeeee
| SR No. | 032467 |
| Book Title | Saral Sanskrit Aadi Rachnao |
| Original Sutra Author | N/A |
| Author | Mahodaysagarsuri |
| Publisher | K V O Jain Sangh |
| Publication Year | |
| Total Pages | 108 |
| Language | Gujarati |
| Classification | Book_Gujarati |
| File Size | 11 MB |