Page Text
________________
ધિકકારવા યોગ્ય કોઇ હોય તો કેવળ પાપો જ છે, નહિ કે કર્માધીન પાપી જીવાત્મા-એ
આર્ષવાણીને આત્મસાત્ કરીને પરમ પવિત્ર, પાપપ્રણાશક પારમેશ્વરી પ્રવજ્યા પ્રદાન કરવા દ્વારા પતિતોને પણ પાવન કરનારા એવા હે પતિતપાવન! પ્રાતઃસ્મરણીય ! પૂજ્ય ગુરૂદેવ ! ધન્યાતિધન્ય છે તે માતા ધનબાઇની કુક્ષિને જેણે આપના જેવા પનોતા પુત્રરત્નને જન્મ આપ્યો છે.
પરમ પવિત્ર પંચપરમેષ્ઠી ભગવંતોને પ્રતિ પ્રભાતે પ્રણિપાતદંડક સૂત્રના પાઠ દ્વારા પ્રણિધાન પૂર્વક એકસો આઠ વાર પંચાંગ પ્રણિપાતપૂર્વક પ્રણામ કરીને પૂજ્યો પ્રત્યેની પોતાની પ્રકૃષ્ટ પ્રીતિને પ્રગટ કરનારા એવા હે પરમેષ્ઠી પર્યુપાસક ! પૂજ્ય ગુરૂદેવ ! પત્નીના પગમાં આળોટવામાં આનંદ માનનારા એવા વાસનાના કાદવમાં ખૂંચેલા બિચારા સંસારી જીવોને આપની પરમ પુનિત પાદરેણુનાં પવિત્ર પરમાણુઓ પાવન કરો!....
તિતિક્ષા ત્યાગ અને તપના તેજોમંડળ દ્વારા તરણ (સૂર્ય) ને પણ તિરસ્કૃત કરનારા એવા હે તપોમૂર્તિ ! પરમ ત્યાગી ! તીર્થ પ્રભાવક ! પૂજ્ય ગુરૂદેવ ! કેવળ ભોગસુખોનેજ સર્વસ્વ માનનારા સંસારી જીવો આપના ત્યાગમય જીવનની તાજગીનો તાગ કયાંથી કાઢી શકે ?....
પરમપિતા પરમાત્મા પ્રત્યેની પ્રકૃષ્ટ પ્રીતિના પરમ પ્રભાવથી પરમાત્મ ભક્તિમય સંસ્કૃત તથા ગુર્જરભાષામાં ભાવવાહી સ્તુતિ-સ્તવન-ચૈત્યવંદન ચોવીશીઓ, ચોઢાળિયાઓ, ચરિત્રો, વિવિધ પૂજાઓ આદિ ગદ્ય પદ્યમય અનેક ગ્રંથોના રચાયિતા એવા હે શીઘ્રકવિરત્ન ! શાસ્ત્રવિશારદ! પ્રભુભક્ત ! પૂજ્ય ગુરૂદેવ ! ‘પૈસો મારો પરમેશ્વર ! ને હું પૈસાનો દાસ' એવો લવારો કરનારા, પૈસાની પાછળ પાગલની જેમ ભટકનારા એવા પૈસા પ્રેમી બિચારા સંસારી જીવો આપના અંતરમાં ઉછાળા મારતી પ્રભુભક્તિની મસ્તીને કયાંથી સમજી શકે ?...
-
રસનેન્દ્રિય અને રસગારવમાં રક્ત બનેલા અચ્છા અચ્છા રૂસ્તમો અને ઋષિમુનિઓના પણ સંયમકુસુમને ક્ષણવારમાં મુરજાઇ જતાં વાર લાગતી નથી એમ જાણીને... સ્વયં ૪૮ વર્ષોથી સળંગ એકાસણા કરવા ઉપરાંત છેલ્લા ૬ ચાતુર્માસમાં એકાંતરા ઉપવાસ દ્વારા ચોમાસી તપ આદિ તપોમય જીવન જીવીને પોતાના શિષ્યવૃંદને પણ તપઃપ્રધાન જીવન જીવવાનો સક્રિય ઉપદેશ આપનારા એવા હે તપોનિધિ ! પૂજ્ય ગુરૂદેવ ! તીખા તમતમતા મસાલેદાર અનેકવિધ તામસી ભોજનોથી પણ તૃપ્તિ નહિ પામનારા અમે રસલંપટ જીવો આપશ્રીના તપઃ પૂત જીવનની કદર ક્યાંથી કરી શકીએ ?
મનને મારી મચડીને નહિ, પરંતુ મિત્ર બનાવીને, મેરૂથી પણ મહાન એવા પંચ મહાવ્રતોના ભારને સહજતાએ વહન કરનારા એવા હે મહાવ્રતધારી ! મનોચિકિત્સક ! પૂજ્ય ગુરૂદેવ ! નાના સરખા નિયમને ગ્રહણ કરવા માટે પણ ગળિયા બળદની માફક ગલ્લા – તલ્લા કરનારા જીવો માટે આપશ્રીનું જીવન આદર્શ દીવાદાંડી જેવું બની રહો !...
પૂર્ણ કળાએ ખીલેલા પૂનમના ચંદ્ર જેવી શીતલ-સૌમ્ય-મનોહર મુખાકૃતિવાળા પનોતા
પુત્રના
પગલા પોતાના ઘરમાં થવાથી જેમનો આનંદ ઉરમાં સમાતો નથી એવા પિતા લાલજીભાઇના લાડકવાયા ! હે મનમોહન મુખાકૃતિ ! પૂજ્ય ગુરૂદેવ !... લાખ લાખ ધન્યવાદ છે પિતા લાલજીભાઇને કે જેમના કુળમાં (છેડા ગોત્રમાં) આપના જેવા કુળદીપકો પાક્યા છે !....
9696969 20 696969
| SR No. | 032467 |
| Book Title | Saral Sanskrit Aadi Rachnao |
| Original Sutra Author | N/A |
| Author | Mahodaysagarsuri |
| Publisher | K V O Jain Sangh |
| Publication Year | |
| Total Pages | 108 |
| Language | Gujarati |
| Classification | Book_Gujarati |
| File Size | 11 MB |