________________
३१. इणविध घामे हो गुरु तिण ठामे, म्हारा राज ! श्रमण-सभा में हो ज्यूं आरामे | म्हारा राज ! जल बरसावै हो वाङ्मय भावै, म्हारा राज ! नहिं तरसावै हो सुजन-स्वभावै ।। म्हारा राज ! ३२. है चोमासो हो गढ़ सरदारे, म्हारा राज ! अन्तर खासो हो बीच निहारे | म्हारा राज ! दिन-दिन बढ़ती हो जावै गरमी, म्हारा राज ! ढाळ चवदमी हो 'तुलसी' निरमी ।। म्हारा राज !
ढाळ: १५. दोहा
१. पुर-सार्दुल शार्दूल सम, वासर तीन निवास । ददरेवै दो दिन रही, रीणी पूज्य प्रकाश ।। २. नव निशीथिनी नाथजी, निवसै यथावकाश ।
तथापि ग्रीष्म-वरूथिनी, करै न निज बल हास । । ३. मुनिप मनोबल है सबल, पिण तनु औदारीक ।
अस्थि - मज्ज-रज- रेत रो, पंजर बण्यो अलीक ।। ४. लू लागी नागी घणी, सागी आगी रूप ।
बड़भागी त्यागी गुरु, जागी विदन विरूप' ।। ५. विषम व्यवस्था पंथ री, वरणत चलै न वाच ।
लिखतां चलै न लेखणी, आंख्यां देखी साच ।। ६. मुश्किल मारग काटता, पग-पग रुक-रुक चाल ।
पधरावत ही पोढ़ता, निश्चित होय निढाल । । ७. आसण संत बिछावता, एक मिनट री देर
सह्य न होती आपनै, खड़या न रहता पैर । । ८. बेचैनी सारै दिवस, रहती रात विशेष ।
प्रबल मनोबल पूज्यवर, साहस रख्यो अशेष ।। ६. एक दिवस आकस्मिकी वर्षा सिंचित गात ।
थोड़ी शीतलता हुई, पहुंच्या पुर- उपपात ।। १०. उगणीसै नय्यासिए, पावस-काल निवास । पंचतीस वाचंयमा, श्रमणी गुणपच्चास ।।
१. देखें प. १ सं. १०५
२३८ / कालूयशोविलास-१
