________________
७६
भिक्षु वाङ्मय खण्ड - १
१९. दर्शण मोहणी कर्म उदें सूं, सुधी सरधा समकत नावें । दर्शण मोहणी उपसम हुवें जब, उपसम समकत निरमली पावें ।
२०. दर्शण मोहणी जाबक खय होवें, जब खायक समकत सासती पावें । दर्शण मोहणी खयउपसम हुवें जब, खयउपसम समकत जीव नें आवें ।।
२१. चारित मोहणी कर्म उदें सूं, सर्व विरत चारित नहीं आवें । चारित मोहणी उपसम हुवें जद, उपसम चारित निरमला पावें ।।
२२. चारित मोहणी जाबक खय हुवें तो, खायक चारित आवें श्रीकार । चारत मोहणी खय उपसम हुवें जब, खयउपसम चारत पांमें च्यार ।।
२३. जीव तणा उदें भाव नीपनां, ते कर्म तणा उदा सूं पिछांणों । जीव रा उपसम भाव नीपनां, ते कर्म तणा उपसम सूं जांणों । ।
२४. जीव रा खायक भाव नीपनां, ते तों कर्म तणों खय हुआं सूं तांम । जीव रा खयउपसम भाव नीपनां, खयउपसम कर्म हुआं सूं नाम ।।
२५. जीव रा जेहवा जेहवा भाव नीपनां, ते जेहवा जेहवा छें जीव रा नाम । ते नांम पाया छें कर्म संजोग विजोगें, तेहवाइज कर्मा री नाम छें तांम ।।
२६. चारत मोहणी तणी छें पचवीस प्रकृत, त्यां प्रकृत तणा छें जूआ जूआ नांम । त्यांरा उदा सूं जीव तणा नांम तेहवा, कर्म नें जीव रा जूआ जूआ परिणांम ।।
२७. जीव अतंत उतकष्टों कोध करें जब, जीवरा दुष्ट घणा परिणांम | तिनें अनुताणुबंधीयो क्रोध कह्यों जिण, ते कषाय आत्मा छ जीव रो नांम ।।
