________________
४८
भिक्षु वाङ्मय खण्ड- १
३९. हाथी घोड़ा रथ पायक तणी, चोरंगणी सेन्या मिलें आंण हो लाल । रिध विरध ने सुख संपत मिलें, ते पुन तणें परिमाण हो लाल । ।
४०. खेतू वत्थू हिरण सोवनादिक, धन धांन नें कुबीं धात हो लाल । दोपद चोपदादिक आए मिलै ते तो पुन तणें परताप हो लाल ।।
४१. हीरा मांणक मोती मूंगीया, वले रत्नां री जात अनेक हो लाल । ते सारा मिलें छें पुन थकी, पुन विना मिलें नहीं एक हो लाल ।।
४२. गमती गमती विनेवंत अस्त्री, ते अपछर रे उणीयार हो लाल । ते पुन थकी आए मिले, वले पुत्र घणा श्रीकार हो लाल ।।
४३. ते सुख पांमें देवतां तणा, ते तो पूरा कह्या न जाय हो लाल । पल सागरां लग सुख भोगवे, ते तो पुन तणे पसाय हो लाल ।।
४४. रूप सरीर नों सून्दरपणों, तिणरों वर्णादिक श्रीकार हो लाल । ते गमतो लागे सर्व लोग नें, तिणरो बोल्यों गमे वारुंवार हो लाल ।।
४५.
जे जे सुख सगला संसार ना, ते तों पुन तणा फल जांण हो लाल । ते कहि कहि नें कितरों कहूं, ते बुधवंत लेजों पिछांण हो लाल ।।
४६. में तो पुन तणा सुख वरणव्या, संसार लेखें श्रीकार हो लाल । त्यांनें मोख सुखां सूं मींढीयें, तों में सुख नहीं मूल लिगार हो लाल ।।
४७. पुदगलीक सुख छें पुन तणा, ते तों रोगीला सुख ताहि हो लाल । आतमीक सुख छें मुगत नां, त्यांनें तो ओपमा नहीं काय हो लाल । ।
४८. पांव रोगी हुवे तेहनें, खाज मीठी लागें अतंत हो लाल । ज्यूं पुन उदें हूवें जीव नें, सबदादिक सर्व गमता लागंत हो लाल ।।
