________________
૨૮૬
भिक्षु वाङ्मय खण्ड-१ १५. मत हणों मत हणों कह्यों अरिहंतों, में जीव हणे किण लेखें जी।
ज्यांरी अभिंतर आंख हीया री फूटी, ते सूतर साहमों न देखें जी।
१६. जीवां री हंसा , दुखदाई, ते नरक तणी , साई जी। खोटा खोटा नाम तीस हिंसा रा, कह्या दसमा अंग रे माही जी।
हिंसा धर्म कुगुरां री वांणी॥
१७. प्राणघात हंसा , खोटी, ते सर्व जीव ने दुखदायो जी।
तिण जीव हिंसा माहे अवगुण अनेक, ते पूरा केम कहवायो जी॥
१८. केइ कहें म्हें हिंसा कीयां में, जांणां छां पाप एकंतो जी।
पिण हिंसा कीयां विण धर्म न हुवें, म्हें किण विध पूरां मन खंतो जी॥
१९. कोइ कहे म्हें हणां एकिंद्री, पंचिंद्री जीवां रे तांड जी।
एकंद्री मार पंचिंद्री पोख्यां, धर्म घणों तिण मांही जी॥
२०. एकिंद्री थी पंचिंद्रीना, मोटा घणा पुन भारी जी।
एकिंद्री मार पंचिंद्री पोख्यां, म्हांने पाप न लागे लिगारी जी॥
२१. केई इसडों धर्म धारे में बेंठा, ते तो कुगुरां तणो सीखायो जी।
निसंक थका छ काय में मारें, वले मन में हरषत थायो जी॥
२२. कोइ पांच थावर नें सहल गिणी नें, माश्यां न जाणे पापो जी।
तिण सूं त्यांने हणतां संक न आंणे, ओं तो कुगुरां तणों परतापो जी॥
२३. पांच थावर ना आरंभ सेती, दुरगत दोष वधारें जी।
कह्यों दसवीकालिक छठे अधेनें, तो बुधवंत किण विध मारे जी॥
