________________
२८०
भिक्षु वाङ्मय खण्ड - १ ५७. नितरा नित पांच सों जीवां नें मारें, कोई करें कसाइ अनार्य कर्मो । जो मिश्र धर्म छें लाय बुझायां, तो इणनेंइ मारयां हुवें मिश्र धर्मो ||
५८. लाय सूं बळता जीव जांणी नें, छ काय हणें नें लाय बुझाइ । ज्यूं कसाइ सूं मरता जीवा नें देखें, कोई जीव वचावण हणें कसाई ॥
५९. जो लाय बुझायां जीव वचें तों, कसाइ नें मारयां वचें घणां प्रांणों । लाय बुझाया कसाइ नें मारयां, ए दोयां रो लेखों बरोबर जांणों ॥
६०. वले नाहर सिंघादिक चीता वघेरा, ओं दुष्टी जीव करे पर घाता । जो लाय बुझायां जीव वचें छें, तों यांनेंइ मारयां घणां रे हुवें साता ॥
