________________
१४२
भिक्षु वाङ्मय खण्ड-१ ३५. मिथ्यात मोहणी खयउपसम हुआं, मिथ्यादिष्टी उजली होय हो।
जब केयक पदारथ सुध सरधलें, एहवों गुण नीपजें जें सोय हो।।
३६. मिश्र मोहणी खयउपसम हुआं, समामिथ्या दिष्टी उजली हुवें तांम हो।
जब घणां पदार्थ सुध सरधलें, एहवों गुण नीपजें अमांम हो।।
३७. समकत मोहणी खयउपसम हूआं, नीपजें समकत रत्न प्रधान हो।
नव ही पदार्थ सुध सरधलें एहवों खयउपसम भाव निधान हो।।
३८. मिथ्यात मोहणी उदें , ज्यां लगे, समामिथ्या दिष्टी नही आवंत हो।
मिश्र मोहणी रा उदा थकी, समकत नही पावंत हो।।
३९. समकत मोहणी ज्यां लगें उदें रहें, त्यां लग खायक समकत आवें नांहि हो।
एहवी छाक , दंसण मोह कर्म नीं, नांखें जीव ने भरमजाल माहि हो।।
४०. खयउपसम भाव तीनोइ दिष्टी छे, ते सगलोइ सुध सरधांन हो।
ते खायक समकत माहिली, वानगी मातर गुण निधान हो।।
४१. अंतराय कर्म खयउपसम हुआं, आठ गुण नीपजें श्रीकार हो।
पांच लबध तीन वीर्य निपजें, हिवे तेहनों सुणों विसतार हो।।
४२. पांचोइ प्रकत अंतराय नी, सदा खयउपसम रहें छे साख्यात हो।
तिणसूं पाचूं लबध बाल वीर्य, उजल रहें छे अल्पमात हो।।
४३. दांना अंतराय खयउपसम हुआं, दांन देवा री लबध उपजंत हो।
लाभा अंतराय खयउपसम हुआं, लाभ री लबध खुलंत हो।।
