________________
११०
भिक्षु वाङ्मय खण्ड - १ २२. मन वचन काया रा जोग व्यापार, वले समचें जोग व्यापारो रे । अ च्यारुइ आश्व सावद्य निरवद, पुन पाप तणा छें दुवारो रे ।।
२३. मिथ्यात इविरत नें परमाद, कषाय नें जोग व्यापारो रे । ए कर्म तणा करता जीव रे छें, ए पांचून आश्व दुवारो रे ।।
२४. यांमें च्यार आश्व सभावीक उदारा, जोग में पनरें आश्व समाया 1 जोग किरतब नें सभावीक पिण छें, तिणसूं जोग में पनरेंइ आया रे ।।
२५. हिंसा करें ते जोग आश्रव छें, झूठ बोलें ते जोग छें ताह्यों रे । चोरी सूं लेइ नें सुची कुसग सेवें ते, पनरेंइ आया जोग माह्यो रे ।।
२६. करमां रो करता तो जीव दरब छें, कीधा हुवा ते कर्मों रे । कर्म नें करता एक सर, भूला अग्यांनी भर्मो रे ।।
२७. अठारें पाप ठांणा अजीव चोफरसी, ते उदें आवें तिण वारो रे । जब जूजूआ किरतब करें अठारों, ते अठारेंइ आश्व दुवारो रे ।।
२८. उदें आया ते तो मोह कर्म छें, ते तो पाप रा ठांणा अठारो रे । त्यांरा उदा सूं अठारेंइ किरबत करें छें, ते जीव तणो छें व्यापारो रे ।।
२९. उदें नें किरतब जूआ जूआ छें, आ तो सरधा सूधी रे । उदें किरतब एकज सरधें, अकल तिणांरी उंधी रे।।
३०. परणातपात जीव री हिंस्या करें ते, परणातपात आश्व जाणो रे । उदें हुवों ते परणातपात ठांणों छें, त्यांनें रूडी रीत पिछांणो रे । ।
