________________
(૨) ધર્માસ્તિકાયના પ્રદેશોની સંખ્યા. (૩) અધર્માસ્તિકાયના પ્રદેશોની સંખ્યા. (૪) એક જીવના પ્રદેશોની સંખ્યા. એ ચારે વસ્તુની સંખ્યા અસંખ્યાતી છે. અને પરસ્પર તુલ્ય છે. (૫) સ્થિતિબંધના અધ્યવસાય
કષાયોદયથી જે પરિણામ ઉત્પન્ન થાય છે, તે સ્થિતિબંધનો અધ્યવસાય કહેવાય છે.
એક સમયે એકી સાથે જેટલી સ્થિતિ બંધાય છે. તે એક સ્થિતિબંધસ્થાન (સ્થિતિસ્થાન) કહેવાય. તે કુલ અસંખ્યાતા છે. જ્ઞાનાવરણીયાદિ કર્મોની જે ઉત્કૃષ્ટસ્થિતિ બંધાય છે. તે પહેલું સ્થિતિસ્થાન કહેવાય. સમયજૂન ઉત્કૃષ્ટસ્થિતિ બંધાય છે. તે બીજું સ્થિતિસ્થાન કહેવાય. બે સમય ન્યૂન ઉત્કૃષ્ટસ્થિતિ બંધાય છે તે ત્રીજું સ્થિતિસ્થાન કહેવાય. એ રીતે, એક – એક સમય ઓછો કરતાં કરતાં છેલ્લે જે જઘન્યસ્થિતિ બંધાય છે. તે છેલ્લું સ્થિતિસ્થાન કહેવાય. એટલે જઘન્યસ્થિતિબંધથી ઉત્કૃષ્ટસ્થિતિબંધ સુધીના જેટલા સમય થાય. તેટલા સ્થિતિબંધસ્થાનો છે. તેમાંથી એક - એક સ્થિતિબંધસ્થાનમાં કષાયોદયસ્થાનો અસંખ્યલોકના આકાશપ્રદેશ જેટલા હોય છે. અને કષાયોદયજન્ય સ્થિતિબંધના અધ્યવસાયો પણ અસંખ્ય લોકના આકાશપ્રદેશ જેટલા હોય છે.
(૬) રસબંધના અધ્યવસાય -
કષાયોદય સહિત લેશ્યાથી જે પરિણામ ઉત્પન્ન થાય છે, તે રસબંધનો અધ્યવસાય કહેવાય છે.
એક સ્થિતિસ્થાનમાં કષાયોદયસ્થાનો અસંખ્યલોકાકાશપ્રદેશ પ્રમાણ હોય છે. અને એક - એક કષાયોદયસ્થાનમાં રસબંધના અધ્યવસાયો
હું ૩૪૪ છે
