________________
વિવેચન :- તિર્યંચોને વિગ્રહગતિમાં અને ઉત્પત્તિના પ્રથમ સમયે કાર્મણકાયયોગ હોય છે. ઉત્પત્તિના બીજા સમયથી માંડીને સ્વયોગ્ય સર્વ પર્યાપ્તિ પૂર્ણ ન થાય ત્યાં સુધી ઔદારિકમિશ્રયોગ હોય છે. ત્યારપછી પર્યાપ્તાવસ્થામાં ઔદારિકકાયયોગ, વચનયોગચતુષ્ક અને મનોયોગચતુષ્ક હોય છે. વૈક્રિયલબ્ધિવાળા તિર્યંચો જ્યારે ઉત્તરવૈક્રિયશરીર બનાવે છે. ત્યારે વૈક્રિયમિશ્રયોગ અને વૈક્રિયકાયયોગ હોય છે. એટલે તિર્યંચગતિમાર્ગણામાં કુલ-૧૩ યોગ હોય છે. આહારકમિશ્ર અને આહારકકાયયોગ ન હોય. કારણકે તિર્યંચોને સર્વવિરતિ ન હોવાથી પૂર્વનો અભ્યાસ હોતો નથી. એટલે આહારકશરીર બનાવી શકતા નથી. તેથી આહારકમિશ્ર અને આહારકકાયયોગ હોતો નથી.
સ્ત્રીવેદમાર્ગણામાં તિર્યંચી-માનુષી અને દેવીનો સમાવેશ થાય છે. તે સર્વેને વિગ્રહગતિમાં અને ઉત્પત્તિના પ્રથમસમયે કાર્મણકાયયોગ હોય છે અને સ્વયોગ્ય સર્વપર્યાપ્તિ પૂર્ણ ન થાય ત્યાં સુધી તિર્યચીમાનુષીને ઔદારિકમિશ્રયોગ અને દેવીને વૈક્રિયમિશ્રયોગ હોય છે. ત્યાર પછી પર્યાપ્તાવસ્થામાં તિર્યંચી-માનુષીને ઔદ્રકા) અને દેવીને વૈકાઓ હોય છે અને તે સર્વેને વચનયોગચતુષ્ક તથા મનોયોગચતુષ્ક હોય છે. એટલે સ્ત્રીવેદમાર્ગણામાં કુલ-૧૩ યોગ હોય છે. આહારકમિશ્ર અને આહારકકાયયોગ ન હોય. કારણકે સાધ્વીજી મહારાજને ૧૪ પૂર્વના અભ્યાસનો અને આહારકલબ્ધિનો નિષેધ હોવાથી આહારકશરીર બનાવી શકતા નથી. તેથી આહારકમિશ્ર અને આહારકકાયયોગ હોતો નથી.
એ જ પ્રમાણે, (૧) અવિરતિ (૨) સાસ્વાદ-સમ્યકત્વ (૩) મતિ-અજ્ઞાન (૪) શ્રુત-અજ્ઞાન (૫) અભવ્ય અને (૬)
