________________
परिहारे छटे विण, थीआहारदुगपंचसंघयणा । छट्ठोहो अपमत्ते, सयरी थीणद्धितिगवजा ॥६६॥ चक्खुम्मि तिजाइसुहम-थावरसाहारणायवजिणूणा । चउदससयं दससयं, मिच्छे सम्माइचउवजं ॥६७॥ सासायणम्मि वज्जिअ, मिच्छापज्जणिरयाणुपुव्वीओ । सत्तजुअसयं दससुं, मिस्साइगुणेसु ओघव्व ॥६८॥ ओघव्व कुलेसासुं, सिद्धतेऽण्णह ण किण्हणीलासुं । दो अणुपुव्वी सम्मे, सुराणुपुव्वी ण काऊए ॥६९॥ एगारसयं आयव-तित्थविगलणिरयसुहमतिगहीणा । तेऊए सत्तसयं, मिच्छे सम्माइचउवज्जा ॥७०॥ मिच्छूणा सासाणे, छजुअसयं मीसमोहसंजुत्ता । मीसे अडणवई विण, अणिगिदियथावराणुपुव्वीहिं ॥७१॥ सम्मम्मि मीसहीणा, सम्मतिरियणरसुराणुपुग्विजुआ । एगजुअसयं तीसुं, देसाइगुणेसु ओघव्व ॥७२॥ पम्हाए णारगतिग-थावरजाइचउगायवजिणूणा । णवजुअसयं पणसयं, मिच्छे सम्माइचउवजं ॥७३॥ मिच्छूणा सासाणे, मीसाइगुणेसु पणसु तेउव्व । णवरि भवे सयमेगं, सम्मे तिरियाणुपुव्वी णो ॥७४॥ सुक्काए तुरिअगुणं, जा पम्हव्वऽत्थि णवरि होइ ण वा । तिरियाणुपुव्विउदओ, ओघव्वेत्तो सजोगिं जा ॥७५॥ सम्माईसु असम्मं, ओघव्व ण वा पणंतसंघयणा । खइए देसे विण तिरि-गइआउज्जोअणीआणि ॥७६॥ ओघव्व उवसमे अड, अजयाई णवरि चउसु सम्मूणा । अजए ण तिअणुपुव्वी, आहारदुगं वि ण य छटे ॥७७॥ सण्णिम्मि विण जिणायव-थावरसुहमचउजाइसाहारं । तेरससयं णवसयं, मिच्छे सम्माइचउवजं ॥७८॥
૩૦૧
