________________
ओहु पणिदितसे, गइतसे जिणिक्कार नरतिगुच्चविणा । मणवयजोगे ओहो, उरले नरभंगु तम्मिस्से ॥ १३ ॥ आहारछगविणोहे, चउदससउमिच्छिजिणपणगहीणं । सासणि चडनवइ विणा, तिरिअनराऊ सुहुमतेर ॥१४॥ अणचवीसाइ विणा, जिणपणजुय सम्मि जोगिणो सायं । विणु तिरिनराउ कम्मेवि, एवमाहारदुगि ओहो ॥१५॥ सुरओहो वेउव्वे, तिरियनराउरहिओ य तम्मिस्से । वेयतिगाइमबियतिय कसाय नव दु चउ-पंच गुणे ॥ १६ ॥ संजलणतिगे नव दस, लोभे चउ अजइ दुति अनातिगे । बारस अचक्खुचक्खुसु, पढमा अहक्खाय चरमचऊ ॥ १७॥ मणनाणि सग जयाई, समइयच्छेय चउ दुन्नि परिहारे । केवलदुगि दो चरमा, जयाइ नव मइसुओहि दुगे ॥ १८ ॥ अड उवसमि च वेयगि, खइए इक्कार मिच्छतिगि देसे । सुहुमि सठाणं तेरस, आहारगि नियनियगुणोहो ॥ १९ ॥ परमुवसमि वट्टंता, आउ न बंधंति तेण अजयगुणे । देवमणुआउहीणो, देसाइसु पुण सुराउ विणा ॥२०॥ ओहे अठ्ठारसयं, आहारदुगूण माइलेसतिगे । तं तित्थोणं मिच्छे, साणाइसु सव्वहिं ओहो ॥२१॥ तेऊ उज्जोयचउनरयबार विणु सुक्का । नरयनवूणा, विणु नरयबार पम्हा, अजिणाहारा इमा मिच्छे ॥२२॥ सव्वगुणभव्वसन्निसु, ओहु अभव्वा असन्निमिच्छिसमा । सासणि असन्नि सन्निव्व, कम्मणभंगो अणाहारे ॥२३॥ तिसु दुसु सुक्काइ गुणा, चउ सग तेरत्ति बन्धसमितं । देविंदसूरिलिहियं, नेयं कम्मत्थयं सोउं ॥ २४ ॥
૨૯૫
