________________
વાસ્તવમાં પાપ કરાવનાર કર્મ બગાડે છે. તે ચાર ઘાતકર્મ છે. તેમાં પણ મોહનીયકર્મ સૌથી વધારે ભયંકર રીતે આત્માને બગાડે છે. મોહનીય કર્મનો ઉદય થતાં દુઃખ ઉપર દ્વેષથી અને સુખ ઉપરના રાગથી આત્મા ભટક્યા કરે છે.
જે જીવ પાપ કરાવનાર મોહનીય કર્મને નિયંત્રણમાં લાવી ક્રોધ, અહંકાર, માયા, કપટ આદિને છોડી શુદ્ધ આલોચના લે છે, તે આરાધક બની જાય છે. આરાધનારૂપી અત્તરની સુગંધથી તેનો આત્મા મઘમઘાયમાન બને છે.
જ્ઞાની પુરુષો ફરમાવે છે કે જેવી રીતે મેલું કપડું સાબુથી સાફ થઈ જાય, તેવી રીતે આલોચના લેવાથી આત્મા નિર્મળ થઈ જાય છે. જેવી રીતે જીવલેણ કેન્સરની ગાંઠનું ઓપરેશન કરવાથી જીવ બચી જાય છે, પણ પગમાંથી કાંટો ન કાઢનારને આખા શરીરમાં પરૂ થઈ જવાથી રિબાઈ રિબાઈને મરી જવું પડે છે, તેવી રીતે અહંકારરૂપી મોહનીયકર્મના ઉદયથી દોષોની આલોચના ન લીધી, તો રૂકિમણીના ૧ લાખ ભવ થયા, લક્ષ્મણા સાધ્વીજીને ૮૦ ચોવીસી સુધી ભટકવું પડ્યું, પુષ્પચૂલ અને પુષ્પચૂલા ભાઈ-બહેન મટી
ભવ આલોચના માર્ગદર્શિકા.... II
