Page Text
________________
પ્રવૃત્ત થા! લોકોત્તર ધર્મનાં અનુષ્ઠાનો પર સામાજિક અતિક્રમણમાં તારો સિંહફાળો છે. અહીં તપોત્સવની બહારની ભવ્યતા પાછળ તું તેની દિવ્યતાનો મૃત્યુઘંટ તો નથી વગાડી રહ્યો ને?
જૈનશાળા અને મહિલામંડળની પ્રવૃત્તિમાં આધ્યાત્મિક સક્રિયતાની જરૂર છે. જો તું જૈનશાળાઓ વધુ ખોલીશ તો ભવિષ્યમાં તારે ઘરડાઘર ઓછા ખોલવા પડશે, તારા સંતાનોને ટી.વી.માંથી ખંડસમયની મુક્તિ અપાવી ધર્મસ્થાનકમાં આવવા પ્રેરશે? સાથે સાથે એ પણ વિચારવું પડશે કે, સંતો માત્ર શાસ્ત્રોની વાતો અને દંતકથાઓ કહ્યા કરશે, તો યુવાનો અને પાશ્ચાત્ય જીવનશૈલીની અસર નીચે જીવતા લોકોને, એ વાતો અંધશ્રધ્ધા લાગશે. તેમને ધર્મની દલીલો, અતાર્કિક, કપોળ કલ્પિત કે અસત્યમૂલક લાગશે, તેમને તો મંત્ર મેડીટેશન અને આહારની વાતો સામાજિક, આર્થિક, વૈજ્ઞાનિક અને પર્યાવરણનો સંદર્ભ આપી સમજાવવી પડશે અને એ રીતે ધર્મ પ્રત્યે ૠચિ જાગૃત ક૨વી પડશે.'
‘તમામ પવિત્રતાને પોતાના પાલવમાં લઇને પર્વાધિરાજ પર્યુષણ પધારી રહ્યા છે. આ દિવસોમાં તારી જાહેર વ્યાખ્યાનમાળાઓ પણ ચાલુ થશે, પર્યુષણપર્વ સંતોની નિશ્રામાં જપ-તપ-દાન અને શિયળ ભાવમાં રહી આત્મકલ્યાણની સાધના કરવાનો પર્વસમૂહ છે ધર્મસ્થાનકોમાં બિરાજમાન સંતોના દર્શન શ્રવણને પ્રથમ પ્રાધાન્ય આપવું જોઈએ જેથી વ્યાખ્યાનમાળાના સમયનું એવી રીતે આયોજન ક૨ કે જેથી સંતોની નિશ્રામાં થતા વ્યાખ્યાન વાંચણી પ્રતિક્રમણના સમયને ખલેલ ન પહોંચે.’
-
‘મેઘરાજાની સવારી ધરતીની પ્યાસ બુઝાવવા આવે છે, તેમ આત્માની પ્યાસ બુઝાવવા પર્યુષણપર્વ આવે છે. તું આ સમક્તિના આનંદપર્વની ઉજવણી કરવા આઠ દિવસ નિયમિત દેરાસર અને ઉપાશ્રયે આવીશ. સૌંદર્યસ્પર્ધા જેવું વાતાવરણ ન થાય તે જોજે.... વસ્ત્રપરિધાન અને કેશગૂંફનની કલાનું પ્રદર્શન.... કોણે કેવાં વસ્ત્રો અને ઘરેણાં પહેર્યાં છે તે નિહાળવાનો અવસર.... દીકરા, દીકરીના વેવિશાળ અને ધંધાની વાટાઘાટો પર ખરી તારી વહેવારકુશળતા અને રસિકતા અંગે થોડું આત્મનિરીક્ષણ કરજે.'
અધ્યાત્મ આભા
૨૮
| SR No. | 032401 |
| Book Title | Adhyatma Abha |
| Original Sutra Author | N/A |
| Author | Gunvant Barvalia |
| Publisher | Navbharat Sahitya Mandir |
| Publication Year | 2003 |
| Total Pages | 150 |
| Language | Gujarati |
| Classification | Book_Gujarati |
| File Size | 11 MB |