________________
૪ પોતાના અને પરના દોષની નિવૃતિ થાય છે. પોતે આલોચના લે એટલે પોતાના દોષથી નિવૃત્ત થાય અને તેને આલોચના લેતો જોઇ બીજા પણ આલોચના લેવા ઉજમાણ થાય છે. અને તેથી તેઓ પણ દોષથી નિવૃત્ત થાય છે. ૫ સરલ ભાવે આલોચના લેવાથી નિષ્કપટીપણું થાય છે.
૬ આલોચના લેવાથી દુષ્કરકારકતા પ્રાપ્ત થાય છે આ કલિકાલમાં ગુણનું સેવન જ દુષ્કર છે માટે દોષોનું આલોચન અત્યંત દુષ્કર હોય એમાં આશ્ચર્ય શું ?
૭ પ્રાયશ્ચિતથી શુદ્ધ બનેલો આરાધક દર્પણની જેમ નિર્મળ થાય છે. ૮ સંસારવર્ધક માયા શલ્યનો ઉદ્ધાર એટલે નાશ થાય છે.
૯ સ્ત્રીવેદ તથા નપુંસક વેદનો બંધ પડતો નથી.
૧૦ પૂર્વે બાંધેલા કર્મોની નિર્જરા થાય છે.
૧૧ તીવ્રતમ અધ્યવસાયથી કરેલું મોટું પાપ કર્મ, બાળ, સ્ત્રી અને સાધુહત્યાદિ કર્મ, દેવદ્રવ્યાદિ ભક્ષણ કે બીજા મહાપાપ પણ સમ્યગ્ વિધિપૂર્વક પૂ. ગુરૂમહારાજે આપેલું પ્રાયશ્ચિત કરવાથી દૃઢપ્રહારી પ્રમુખની જેમ તેજ ભવે નાશ પામે છે. ૧૨ જંબુદ્વીપના સઘળા પર્વતો સોનાના થઈ જાય કે સર્વ રેતી રત્નરૂપ થઈ જાય અને સાતેય ક્ષેત્રોમાં તેનું દાન કરી દેવાય તો પણ એક દિવસનું પાપ છૂટતું નથી અર્થાત્ તે દાનથી જે પાપ નાશ પામતું નથી. તે આલોચનાથી નાશ પામે છે.
આલોચક પુણ્યાત્માને સૂચના
૧ બાલકની જેમ સરલભાવે, માયામદથી રહિત થઈને સંવેગ રંગમાં ઝીલવાપૂર્વક, ચિત્તને વૈરાગ્યથી વાસિત કરીને, શલ્યરહિત પણે ગીતાર્થ ગુરૂ પાસે આલોચના લેવી.
૨ પૂ. ગુરૂમહારાજે આપેલી આલોચના કોઈને કહેવી નહિ.
45
