________________
શ્રીમદ્ બુદ્ધિવિજય
૦૭
rmmmmmmmmmm
- પૂ. ૫. શ્રી મણિવિજયજી દાદાના શિષ્ય { શ્રીમદ્ બુદ્ધિવિજયજી
| (શ્રી બુટેરાયજી)
રચના સં. ૧૮૧૯ આ મહાપુરુષને જન્મ ભારતની વીરભૂમિ પંજાબના લુધિયાના નજીકના દુલવા ગામમાં સંવત ૧૮૬૩માં થયે. પિતાનું નામ ટેકસિંહ માતાનું નામ કર્મો અને તેમનું શુભ નામ બુટરાસિંહ હતું.
માતાપિતાને એકને એક પુત્ર હોવાથી દેવના દીધેલાની માફક ઊછેર્યો. બચપણથી જ તેમને સંસાર પ્રત્યે અરૂચિ હતી. સંસ્કારી માતાએ તેમની ઈચ્છા જાણું સન્માર્ગે વાળ્યા. એક સમયે બુટરાસિંહે સાધુ થવાની વાત માતાજીને જણાવી. માતાજીએ આશીર્વાદ આપ્યા ને બુટેરાસિંહ સાધુસંતોની શોધમાં નીકળી પડ્યા અને ઘણા સંતોને પરિચય કર્યો પણ દિલ ઠર્યું નહિ. દિલ્હી સુધી ફરી ઘેર પાછા આવ્યા. પણ મન તે સાધુ થવાનું જ હતું. આખરે સંવત ૧૮૮૮માં સ્થાનક માર્ગી સાધુના સમાગમથી દિલ્હીમાં તે સંપ્રદાયની દીક્ષા સ્વીકારી ને નામ બુટેરાયજી રાખ્યું. એમનું શુદ્ધ ચારિત્ર, પરમ ત્યાગ, તેજસ્વી બુદ્ધિ તથા સુંદર રૂપથી સાધુઓ આકર્ષાયા. મહારાજશ્રીએ સુંદર અભ્યાસ કર્યો ને આગમ બત્રીસી વાંચી તેથી તેમને એમ લાગ્યું કે આગમાં મૂર્તિપૂજા નિષેધ નથી ને મુહપત્તિ બાંધવી એ શાસ્ત્રવિહિત નથી. સંવત ૧૮૯૩ની આ સાલ હતી. તેઓશ્રી જયપુર, જોધપુર આદિ વિચરી સંપ્રદાયના બીજા સાધુઓને સમાગમ કર્યો પણ મન માન્યું નહિ. ત્યાંથી પાછા દિલ્હી આવી ગુની પાસે રહી કેટલીક શંકાના સમાધાને મેળવ્યા.