________________
નિવેદન
વૈરાગ્યવારિધિ પ.પૂ. આચાર્ય ભગવંત શ્રીમદ્ યશોદેવસૂરિજી મહારાજનું વિ. સં. ૨૦૦૯નું ચાર્તુમાસ મધ્યપ્રાંતમા હિંગનઘાટ મુકામે થયું. ત્યા કોઇ પ્રસંગ પામીને શ્રી જિનેશ્વર ભગવંતનો સ્નાત્ર મહોત્સવ ઉજવાયો હતો. સ્નાત્રમહોત્સવમાં ભાગ લેનાર ભાઇઓએ સ્નાત્રપૂજાના વિશિષ્ટ વિવેચનની પૂ. આ.મ. પાસે માંગણી કરી. તેઓશ્રીએ મારા પૂ. તારક ગુરુદેવને જો અનુકૂળતા હોય તો વિવિચન તૈયાર કરવા લખી જણાવ્યું. પૂ. તારક ગુરુદેવે સ્વપરહિતકારી અને શાસનોપયોગી અનેક કાર્યોમાં રોકાયેલા હોવાથી સમયના અભાવે તે વિવેચન લખવાની મને કૃપામય આજ્ઞા કરી, જેના પાલન રૂપે મેં આ વિવેચન તૈયાર કર્યું છે. વિવેચન લખવાના મંગલમય પ્રારંભથી માંડી તેની નિર્વિન પૂર્ણાહુતિ થવામાં મૂળભૂત નિમિત્ત પૂ.આ. દેવશ્રીયશોદેવસૂરિજી મહારાજાની શુભ પ્રેરણા છે, તેથી તેઓશ્રીનું પુનીત નામ સ્મરણ કરી શુભપ્રેરણા કરવા બદલ કૃતજ્ઞતાને અનુભવું છું.
પરમકારુણિક ચારિત્રચૂડામણિ સિધ્ધાન્ત મહોદધિ પૂ. પરમગુરુદેવ આચાર્ય ભગવંત શ્રીમદ્ વિજય પ્રેમસૂરીશ્વરજી મહારાજ સાહેબ તથા તેઓશ્રીના વિદ્વાન શિષ્યરત્ન પૂ. તારકગુરુદેવ મુનિરાજ શ્રી ભાનુવિજયજી મહારાજની પરમકૃપાથી જ સ્નાત્રનું વિવેચન કરવા હું મંદબુદ્ધિ છતાં સમર્થ બની શક્યો છું. પૂ. આચાર્ય ભગવંતે સંસારના કીચ્ચડમાંથી ઉદ્ધાર કરી સંયમના પંથે જોડવા બદલ અને ચારિત્ર આપ્યા બાદ સંયમ-સ્વાધ્યાયની પ્રેરણા અને તાલીમ આપવા બદલ મારા જેવા એક પામર જીવ પર જે અગણ્ય અને અનુપમ ઉપકાર કર્યો છે, તેનો બદલો તેઓશ્રીની ભવોભવ સેવા કરીનેય હું વાળી શકું તેમ નથી. એ ઉપકારની પ્રસાદી જ “પારસલોહ'' ન્યાયે લોહ જેવા મને પ્રગતિ આપી રહી છે. તેઓશ્રીના પુનીત ચરણે મારા કોટિશઃ વંદન છે.
આ વિવેચનનો અનુભવ મારે તો તદ્દન પહેલો હોવાથી, એ તૈયાર
