Page Text
________________
ચારે દિશાઓમાં વધતા જતા પાણીવાળા, મોટા મગરમચ્છ, તથા બીજા અનેક જળચરોના પુચ્છો પાણીમાં પછડાવાથી સફેદ ફીણવાળા, પાણીના આવર્તયુક્ત ક્ષીર સમુદ્રને, બારમામાં હરણ, બળદ, ઘોડો, પક્ષી, હાથી, વિગેરેના ચિત્રોથી શોભતું, ગંધર્વોના વાજિંત્રોના નાદવાળું, દેવદુદુભિના શબ્દથી સકળ લોકને પુરનારું કાલાગરુ વિગેરે ધૂપોથી મઘમઘાયમાન સુગન્ધવાળું અને દિવ્ય કાન્તિવાળા સુરવરોથી રમણીય વિમાનને, (દેવલોકમાંથી આવતા તીર્થંકરની માતા વિમાનને જુએ છે, જ્યારે નરકમાંથી આવતા તીર્થકરની માતા ભવનને જુએ છે) તેરમામાં પ્રવાલ-સ્ફટિક, મરકત, ચંદ્રકાન્ત વિગેરે રત્નોથી સુશોભિત, ગગન મંડળને પ્રકાશિત કરતા ઉંચા એવા રત્નના રાશિને, અને ચૌદમામાં મધુ અને ધૃતથી સિંચાયેલી જ્વાળાથી દેદીપ્યમાન, અતિશય વેગવાન, ધૂમ વિનાના અગ્નિને, એમ ચૌદ મહાસ્વપ્નોને જુએ છે, અને ખૂબ આનંદ અનુભવે
ચૌદ સ્વપ્નોનું રહસ્ય પહેલું ચાર દાંતવાળો હાથી-દાન, શીલ, તપ અને ભાવ એમ ચાર પ્રકારે પ્રભુ ધર્મને કહેશે અને નરક, તિર્યંચ મનુષ્ય, અને દેવગતિ એમ ચાર ગતિનો અંત કરશે અને કરાવશે એમ સૂચવે છે.
બીજું બળદ-તે સંયમની ધુરાના ભારને વહન કરવા માટે વૃષભ જેવા પ્રભુ ભવ્ય જીવરૂપી ક્ષેત્રમાં બોધિબીજનું વહન કરશે. અને બળદને ઉચી ખાંધ હોવાથી, પ્રભુ ઉચ્ચ ગોત્ર અને ઉમદા વંશમાં જન્મ ધારણ કરશે એ સૂચન છે.
ત્રીજું સિંહ-અન્ય કુતીર્થિકારૂપી શિકારી પશુઓથી પીડાતા ભવ્ય પ્રાણીઓને સિંહસમાન પરાક્રમી પ્રભુ તે પીડામાંથી બચાવી લેશે. પરિષહરૂપી હાથીઓને સહાય વિનાના નિર્ભીક પ્રભુ સિંહની જેમ જીતી લેશે.
ચોથું લક્ષ્મી-વાર્ષિક દાનનો વરસાદ વરસાવી પ્રભુ તીર્થંકરપણાની લક્ષ્મીને મેળવશે, લક્ષ્મી કહે છે કે પ્રભુના સંગથી મારું ચંચળ સ્વભાવરૂપી દૂષણ દૂર થઇ જશે, અર્થાત્ પ્રભુના ભક્તને ત્યાં લક્ષ્મી સ્થિર થશે, એટલે કે કમળને બદલે ભક્તને પ્રભુસંગીને ત્યાં લક્ષ્મીનો નિવાસ રહેશે. @ીર - ૨-ફરફર ફર-૨૭મ ૨૩ કેસરસ્ટીસ્ટન્ટક ફીટ ફ૨-૨88
| SR No. | 032291 |
| Book Title | Bhaktima Bhinjana |
| Original Sutra Author | N/A |
| Author | Padmavijay Ganivar |
| Publisher | Ambalal Ratanchand Jain Dharmik Trust |
| Publication Year | 1999 |
| Total Pages | 90 |
| Language | Gujarati |
| Classification | Book_Gujarati |
| File Size | 9 MB |