________________
કારણ બને છે. જિનેશ્વર દેવોએ તપશ્ચર્યા કરવા સાથે કઠોર પરિશ્રમ અને ભયંકર ઉપસર્ગોને અચલ અને અવિરત સમાધિપૂર્વક આનંદિત હૈયે સહન કરી કેવલજ્ઞાનરૂપી અદ્ભૂત જ્યોતિ દિવાકરને પ્રગટ કર્યો અને જગતના ભવ્ય આત્માઓને અનંત ઉપકારકારી ધર્મ તીર્થની સ્થાપના કરી. ખરેખર જગતની અનન્ય તારક વિભૂતિ તરીકે શ્રી જિનેશ્વરદેવો સિવાય બીજા કોણ બનવા માટે યોગ્ય છે ? જે પુણ્યશ્લોક પુરૂષોત્તમોએ અનંતાનંત ભાવુકજીવોને મિથ્યાત્વના ઘોર અંધારામાંથી બહાર કાઢી સમ્યગ્દર્શન પમાડવા સાથે નિર્મળ આત્મજ્ઞાન અને જગતના તત્ત્વોનું જ્ઞાન આપ્યું તથા ચારિત્રના મહાન રસીયા બનાવ્યા અને નિરાબાધ સુખસાગરમાં ઝીલતા કરી દીધા. અહો ! આપણા પ્રાણ પ્યારા તે પ્રભુનો કેવો અનહદ, અમાપ અને અભૂતપૂર્વ ઉપકાર ! એ તારક પરમાત્માના શરણને નહિ સ્વીકારનારા જીવો વિષયકષાયરૂપી જંગલી અને શિકારી પ્રાણીઓથી કરુણ રીતે ફેંદાઇ જાય છે, પીસાઇ જાય છે અને અનંતા મરણોને નોતરી લે છે એમાં નવાઇ નથી. શ્રી જિનેશ્વર દેવો જ નિરાધાર જગત માટે પરમ શરણ અને પ્રબળ પ્રેરક આશ્વાસન રૂપ છે તેથી કેવળ અરિહંત જ તત્ત્વની દૃષ્ટીએ ૫૨મ ઉપાસના કરવા લાયક અને ધ્યાન કરવા યોગ્ય છે.
પરમાત્માની ભક્તિનો પ્રકાર અને તેનું ફળઃ
ઉપાશ્ય અને ધ્યેયરૂપ અરિહંતપરમાત્માની ઉપાસના અનેક પ્રકારોથી થઇ શકે છે. આરાધ્ય દેવાધિદેવ તરફ અપૂર્વ પ્રેમ પ્રગટાવવાનું સાધન તેઓશ્રીની ભાવભીની ભક્તિ છે. ભક્તિરસની રમઝટમાં આત્મા વિપુલ કર્મની નિર્જરા તથા પુણ્યાનુંબંધી પુણ્યનો થોક ઉપાર્જે છે. ૫૨માત્માની ભક્તિરસની ધૂનમાં રાવણે અષ્ટાપદ પર્વત પર ધરણેન્દ્ર જેવાને ડોલાવી નાખ્યો. તે ભક્તિના પ્રકારમાં પરમાત્મા સ્નાત્ર મહોત્સવની ઉજવણી અષ્ટપ્રકારી પૂજા, અંગ રચના, ગીત નૃત્ય વાજિંત્રની પૂજા, ભાવ પૂજા વિગેરેનો સમાવેશ થાય છે.
જિનેશ્વર દેવોનો જ્યારે જન્મ થાય છે, ત્યારે દેવેન્દ્રોના આસનો કંપે મમમ મમ ૨ ©
