________________
૧૦. સ્વર્ગ-નર્ક છે કલ્પના, બને ખોટા પાશ;
બને ભાવ છે મનતણા, જુવે જો જ્ઞાન પ્રકાશ.
૧૧. પ્રભુ પાસે નવ માગવું, યથા કર્મ સહુ થાય;
માગવાની ઇચ્છા મરે, મુક્તિ ભણી જવાય.
૧૨. જેવું જે જે વિચારતો, તેવો નક્કી તે થાય;
તો પછી રમવું શુભમાં, જે શુદ્ધ તરફ લઈ જાય.
૧૩. શુભથી શુદ્ધ તરફ વધે, એ જ છે સાચો રાહ
શુદ્ધિ થતાં કર્મો ઘટે, ગુણસ્થાનક ચઢતો જાય.
૧૪. સહુ જીવો સરખા ગણો, સહુને વ્હાલો જીવ;
જયણા પૂર્વક જીવીએ, તો જીવ પહોંચે શિવ.
૧૫. ઉદયે પુણ્યો આવતાં, મળ્યો છે. ઉત્તમ ધર્મ
સમય ચૂકે સઘળું ચૂકીશ, વ્યર્થ જીવનનો મર્મ.
૧૬. રાગ-દ્વેષ બે દુશ્મનો, સઘળા પાપના બાપ;
જો તે બે ટળી જાય તો, ઓછાં થાયે પાપ.
૧૭. કાયા તારી રથ સમી, ઇન્દ્રિયો અશ્વ તમામ
જ્ઞાનક્રિયા બે ચક્ર છે, સંયમ કેરી લગામ.
૧૮. જ્ઞાનમાર્ગ કઠિન છે, નડશે મિથ્યાજ્ઞાન;
જ્ઞાનમાર્ગ ઉપકરણ છે, પામવા સમ્યજ્ઞાન.
૧૯. કાયા કેરો ભાવ છે, ક્ષણ ક્ષણ સુખનો રાગ;
આનંદ આતમ ભાવ છે, પ્રગટે જ્યાં વિરાગ.
૭૮ ભીતરનો રાજીપો
