________________
કલહ (કંકાસ) ૧૨. ગુરુજી મને બારમું, પાપ-સ્થાનક સમજાવજો રે...
બારમું પાપ કલહ તું માન, દુર્ગતિ માટે જે દ્વાર સમાન; નારદ મંથરા જેવો સ્વભાવ, પ્રગટે અવળી વાણી સદાય; જો તું અંતર્મુખી બની જાય, મૌન છે તેનો સાચો ઉપાય; મનથી લઈને ક્ષમા આસ્વાદ, હિતમિત વાણી કર સંવાદ; બારમા પાપ-સ્થાનકથી તું સદા દૂર રહેજે રે, ગુરુજી મને બારમું, પાપ-સ્થાનક સમજાયું રે...
અભ્યાખ્યાન (મિથ્યા આરોપ) ૧૩. ગુરુજી મને તેરમું, પાપ-સ્થાનક સમજાવજો રે...
તેરમું અભ્યાખ્યાનનું પાપ, જેમાં આળ મુકાયે અમાપ; પર જીવન થાશે બરબાદ, નાહક નિત વધશે વિખવાદ, અન્યનું માનસ્વમાન ઘવાય, કર્મનું બંધન સજ્જડ થાય; ભાષાસમિતિ તુજ સંભાળ, કોઈને કદી ન દઈએ આળ; તેરમા પાપ-સ્થાનકથી તું સદા દૂર રહેજે રે, ગુરુજી મને તેરમું, પાપ-સ્થાનક સમજાયું રે..
ભીતરનો રાજીપો * ૬૯
