________________
૮. માતપિતા ભ્રાતા ને ભગિની, સુત દારા નાવે સાથે રે;
એક જ સૂરે સહુ કોઈ બોલે, લઈ લો સ્મશાન ઘાટે રે...જીવન
૯. ઠાઠમાઠ ને સાહાબી તારી, કેવી નઠારી છે જોજે રે;
આતમ સાથ મૂકે ત્યારે તું, તારી નનામી જોજે રે જીવન
૧૦. હીરા મોતી ને પાના કેરા, કંઠે ભલે સજે હાર રે,
સહુ શણગાર ઉતારી લઈને, દેશે ફૂલના હાર રે જીવન
૧૧. હીર-ચાર ને રેશમ કેરા, વસ્ત્ર સજે તું સદાય રે,
મોંઘાં વસ્ત્રો ઉતારી લેશે ને, ધોળું કફન દેવાય રે જીવન
૧૨. તાંબા કાંસા ને પિત્તળ કેરાં, પાત્ર ગણ્યાં ના ગણાય રે,
કેવળ માટીની કાળી દોણી, તારા માટે લવાય રે....જીવન
૧૩. મોટી હવેલીના મેડે તું સૂવે, સેવામાં ઘણા દાસ રે,
સ્મશાને કાષ્ટ ઉપર સુવાડે, ડાઘુઓ વચ્ચે વાસ રે જીવન
૧૪. અગ્નિદાહ દઈ ઘેર આવી છે, તારા નામનું નાહશે રે,
રાત પડે તારાં નામાં ઉઘાડીને, લેણાં દેણાં જોશે રે...જીવન
૧૫. દિવસે શોક બતાવવા માટે પોક મૂકીને રડતાં જે;
કેટલી પૂંજી મૂકી ગયો તેનો, હિસાબ ગણવા માંડતા તે જીવન
૧૬. પૂજાપાઠ ને બેસણાં બારમા, કરશે રંગેચંગે જે,
મૂડીના ભાગલા કરતી વેળા, તે તો ચઢશે જંગે રે...જીવન
૧૭. ભીંતે તારી છબી ટાંગીને, ધરશે સુખડની માળ રે,
કામકાજમાં વ્યસ્ત થશે ને, ભૂલશે વીતતાં કાળ રે..જીવન
૫૪
ભીતરનો રાજીપો
