________________
ભક્તિનો માર્ગ - શ્રદ્ધા (ઢાળ: હરિનો મારગ છે શૂરાનો )
૧. ભક્તિનો મારગ છે શ્રદ્ધાનો, તર્કનું ત્યાં નહીં સ્થાન જોને;
પરથમ પ્રભુના શરણે જઈને, ચરણે કરીએ પ્રણામ જોને ભક્તિનો
૨. સહુ સંકલ્પ ને વિકલ્પ મનમાં, જીવનમાં નવ ધરીએ જોને;
સઘળી ચિંતા પ્રભુને સોંપી, હળવા થઈને જીવીએ જોને ભક્તિનો
૩. જે કાંઈ ઘટતું નિત્ય જીવનમાં પ્રભુની મરજી ગણીએ જોને;
દ્રષ્ટાભાવથી ઘટના નિહાળી, નિમિત્ત બનીને રહીએ જોને ભક્તિનો
૪. દુઃખ શોક ભય પીડા આવે, કર્મ ઉદયમાં ગણીએ જોને;
સંચિત કર્મ ખપે છે મારાં, એવો ભરોસો ધરીએ જોને. ભક્તિનો
૫. કસોટી ભક્તની ક્ષણક્ષણ આવે, હસતે મોઢે સહીએ જોને;
પાર ઉતારશે પ્રભુજી નક્કી, એમાં શંકા ન કરીએ જોને ભક્તિનો
સરળ માર્ગ છે ભક્તિ કેરો, મુક્તિમાર્ગ જવાનો જોને; જ્ઞાનકિયા કદી ઓછાં પડે તોયે, નક્કી તું તરવાનો જોને ભક્તિનો
૭. મીરાંબાઈને જેણે તાર્યા, તાર્યા નરસિંહ મહેતા જોને;
કહે વિજય પ્રભુ કદી ના ચૂકે, ભક્ત જો શ્રદ્ધાવંત જોને ભક્તિનો
ભીતરનો રાજીપો * ૪૫
