________________
પદ્માવતી માતાને પ્રાર્થના (ઢાળ - મારી નાડ તમારે હાથ)
૧. મારી ચિંતા તમારે માથે મા સંભાળજો રે..
મુજને પોતાનો જાણીને મા તમે પાળજો રે..
૨. પદ્માવતીમાતા તમે સાચાં, કોઈ ઉપાય વિશે નહીં કાચા,
દુઃખની વેદના દૂર કરી સુખ આપજો રે... મારી
૩. અરજી મારી નહીં વિચારો, પડી બાજી મારી તમે સુધારો,
પાસા તમારે હાથે, બાજી જિતાડજો રે... મારી
૪. સાચું ખોટું હું કાંઈ ના જાણું, મમતા કેવળ માની પિછાણું,
માતા છો તો બાળ ગણી સંભાળજો રે.. મારી
૫. કયાં કર્મ આવ્યાં મુજ આડાં, નાના જીવનમાં દુ:ખના દહાડા,
દુઃખ કાપી સુખ શાતા મારી વધારજો રે...
મારી
૬. દુઃખ પીડા દૂર ભાગી જાશે, સુખ શાતા મુજ હૈયે થાશે,
દિનદિન શ્રદ્ધા તુજમાં મારી લાવજો રે.. મારી
૭. કહે વિજય મારું શું થાશે, દુઃખ મારું જો દૂર ના થાશે,
લાજ ભક્તની આજે મા તમે રાખજો રે.. મારી
ભીતરનો રાજીપો * ૩૯
