________________
પરમાત્માની સ્તુતિ, વૃત્તિને વિખેરવા અને પ્રવૃત્તિને ખંખેરવા માટે કરવાની છે. પ્રભુ તો એવો દીવો કે જે ક્યારેય ઓલવાય નહીં કે હાલમડોલમ થાય નહીં! બસ એ દીવાની જ્યોત આપણા જીવનને ઝળાહળ બનાવી દે તો બેડો પાર! પરમાત્મા પ્રત્યેની શ્રદ્ધાનો દીવડો વિકલ્પોના વાવાઝોડા વચ્ચે ભલે ધીમો જલે પણ જલતો રહે એ જરૂરી છે. આછું અજવાળું પણ અણસાર તો આપી જ દે છે!
૧.
૨.
૩.
મારી ભાવના (ઉપજાતિ છંદ)
કરું એવી ભક્તિ, સહુ વૃત્તિ છૂટે, મળો એવી શક્તિ, સહુ બંધ તૂટે; થજો ચિત્ત બુદ્ધિ કે ઉપકાર સ્ફુટે, કદી મારી શ્રદ્ધા, તુજમાં ના ખૂટે.
મળો ને મને જ્ઞાન કેરો પ્રકાશ, કરો મારી કુબુદ્ધિ કેરો વિનાશ; તૂટો મારો મિથ્યાત્વનો મોહપાશ, કરી દો કૃપાપૂરીને મારી આશ.
દરશન પ્રભુ મુજને થાજો એવું, સમ્યક્ સ્વરૂપે હર ચીજ જોઉં; ના રાગ કે દ્વેષ મારાં હું જોડું, અજ્ઞાન ને મિથ્યાત્વ હું તોડું.
૨૬ * ભીતરનો રાજીપો
