________________
૩. હિંસા નહીં, ચોરી નહીં, જૂઠું વચન બોલું નહીં,
પરિમાણ પરિગ્રહનું કરીને શિયળ વ્રત ચૂકું નહીં. નહીં ક્રોધ લોભ કે માન માયા, રાગ દ્વેષ ધરું નહીં, ઈર્ષા કે ચાડી ચુગલી પંચાત પરની કરું નહીં
૪. સંસારમાં કંકાસથી, કલુષિત મન હું નવ કરું;
કદી કોઈ ઉપર આળ મૂકી અન્ય સામે નવ ધરું. હું કપટ કરીને સ્વાર્થ માટે જૂઠથી નવ છેતરું; અજ્ઞાન દૃષ્ટિ દૂર કરીને સ્થિર મતિ સઘળે કરું.
૫. કથની ને કરણી બેય સરખાં રાખીને જીવન જીવું;
દોષો ખપાવી માહરા, નિર્મળ જીવન કરતો જઉં. મન વચન ને કાયા થકી હું શુભની શુદ્ધિ કરું કર્મો ખપાવી માહરાં શુદ્ધાતમા બનતો જઉં.
જન્મ ભારતવર્ષમાં ને, જૈન ધર્મ મને ફળ્યો; પ્રભુ વીરનું શાસન મળ્યું ને, આતમા શુભમાં વળ્યો. જો મુક્તિ મુજને ના મળે, તો જન્મ જૈન કુળ હજો; ભવભવ ગ્રહુ વિરતિ અને, ભક્તિ થકી મુક્તિ થજો, ભવભવ મળો વિરતિ વિજયને, ભક્તિ થકી મુક્તિ થજો.
ભીતરનો ચજીપો * ૧૨૧
