________________
સાચા શ્રાવકની ઓળખ (ઢાળ: વૈષ્ણવજન)
૧. સાચો શ્રાવક તેને રે કહીએ જે પાપ અઢાર ના કરતો રે; સહુ જીવોને સરખા ગણીને, જ્યણાપૂર્વક જીવતો રે... સાચો.
૨. જૂઠું બોલે ના તે જીવનમાં, અણહકનું નવ લેતો રે; બ્રહ્મચર્યમાં રહીને જીતે, પરિગ્રહ કદી નવ કરતો રે... સાચો.
૩. મનનું ધાર્યું થાય ન તોયે, ક્રોધ કદી નવ કરતો રે; માનની ઇચ્છા છોડી દઈને, સરળ બનીને જીવતો રે... સાચો.
૪. સ્વાર્થ સાધવા અન્યની સાથે, માયા નવ આચરતો રે; રાગ દ્વેષ ને કલહ ત્યજીને, ઓછો લોભ જે કરતો રે... સાચો.
૫. કોઈ કારણે અન્યની ઉ૫૨, આળ કદી નવ મૂકતો રે; ચાડીચુગલી કરે ના કોઈની, ગમોઅણગમો નવ કરતો ... સાચો.
૬. દ્રષ્ટાભાવમાં સદા રહીને, પરપંચાતે ના પડતો રે; માયા સાથે જૂઠ ઉમેરી, કોઈને નવ છેતરતો રે... સાચો.
૭. સમ્યજ્ઞાનમાં શ્રદ્ધા રાખી, મિથ્યાત્વમાં નવ પડતો રે; અઢાર પાપથી દૂર રહીને, જીવન નિર્મળ કરતો રે... સાચો.
૮. શ્રુત સાંભળી શ્રદ્ધા કરીને, સ્મરણથી મનન જે કરતો રે; કથની જેવી કરણી કરીને, શ્રાવક સાચો બનતો રે... સાચો.
૯. નવા નિકાચિત કર્મ ના બાંધે, સંચિતને જે ખપાવે રે, કહે વિજ્ય તે દિનપ્રતિદિને, મુક્તિના પંથે જાવે રે... સાચો.
ભીતરનો રાજીપો ૪ ૧૦૫
