________________
દેહ દીપક (ઢાળ : આ તન રંગ પતંગ સરીખડો)
૧. મનખા દેહ છે દીપ સરીખો, બુઝાતા લાગે ના વાર રે....,
થયા પ્રકાશિત તે તે બુઝાયા, ગણતાં નાવે પાર રે...મનખા
૨. કદીક દીપમાં તેલ ખૂટે તો, કદીક કોડિયું ફૂટે રે;
આતમ મુક્તિ ઝંખે ત્યારે, શ્વાસ તણો લય તૂટે રે... ..મનખા
૩. વાટ તેલ કે એકલું કોડિયું, ત્યાં નહીં દીપની આશ રે;
ત્રણે દ્રવ્યોના સંયોજનથી, દીપક પૂર્ણ પ્રકાશ રે
.મનખા
૪. રૂની વાટ તો રૂક્ષ ગણાય, તેલ સ્નિગ્ધતા આપે રે;
બને પૂરક એકબીજાના, દીપ પ્રગટવા માટે રે..
મનખા
૫.
સ્વનું વિસર્જન, પર સંયોજન, પ્રગટે ત્યાં અજવાળું રે; અહંનું વિસર્જન થઈ જાતાં, અંતરમાં હું ભાળું રે..
મનખા
૬.
જ્યાં સુધી કાયાનું બંધન છે, મતિ જેવી ગતિ થાતી રે; મુક્તિની વેળાએ તારી, ગતિ સઘળી પતી જાતી રે.. ..મનખા
૭. બે દ્રવ્યોના અનુબંધથી, બનતો આ સંસાર રે,
દેહથી આતમ અળગો થાતાં, અટકે ભવ વ્યાપાર રે.. મનખા
૮. મૂલ્ય નથી કોઈ એક દ્રવ્યનું , ફળ અન્યના સંયોગે રે,
કહે વિજય આ સત્ય સનાતન, જીવન છે સહયોગે રે. ..મનખા
ભીતરનો રાજીપો ૧૦૧
