________________
સમેતશિખર શિવપદ લહ્યું, તિહાં કરે મહોછવ દેવ-લાલ રે, દુરિતારી શાસન-સુરી, ત્રિમુખ યક્ષ કરે સેવ-લાલ રે–સંભવ૦(૩) તું માતા ! તું મુજ પિતા ! તું બંધવ ! ત્રિણ કાળ-લાલ રે, શ્રીનયવિજય વિબુધ તણો, શીશ કહે દુઃખ ટાળ-લાલ રે–સંભવ૦(૪) ૧. કંચનવર્ણ ૨. શરીર ૩. સાધ્વી ૪. મોક્ષપદ
કર્તા શ્રી ભાણવિજયજી મ.
(આસણરા યોગી-એ દેશી) ત્રીજા સંભવજિનની સુખદાયી, પૂરવ પુણ્ય સેવા પામી રે–સાહિબ સોભાગી ક્ષણ ઉત્તમને પરસંગે, લહતાં સુખ હોએ અંગે રે–સાહિબ૦(૧) તો તુચ્છ જેવાની જે સેવા, તેહનું શું કહેવું દેવા ! રે, સાહિબ૦ ત્રિભુવનતારક ! તુજને મેં દીઠો, અમૃતથી લાગ્યો મીઠો રે–સાહિબ૦ (૨) તુમ ચરણે મુજ મનડું બાંધ્યું, વળી ભક્તિગુણે કરી સાંધ્યું રે–સાહિબ૦ હરિ-હર દીયું ચિત્ત ન રાખું, એક તુમ્હ સેવામૃત ચાખું રે–સાહિબ૦ (૩) હેજ ધરીને સેવક સામું, જુઓ એ બગશીસ પામું રે,–સાહિબ, ઓળગડીએ સાહિબ ! હારી, ચિત્ત ધરો જગ-હિતકારી રે–સાહિબ૦ (૪) ઘણું ઘણું તમને શું કહીએ ! સેવકને સંગે વહીએ રે –સાહિબ૦ પંડિત પ્રેમવિજય સુપસાયા, ભાણવિજય નમે તુમ્હ પાયા રે–સાહિબ૦ (૫) ૧. ઉત્તમ પુરુષ સાથેના એક ક્ષણના પ્રસંગ=સહવાસથી ૨. ભક્તિરૂપ દોરાથી ૩. અંતરનો સ્નેહ ૪. બક્ષિસ=ઈનામ ૫. સેવા ૬-૭. સાથે રાખી નભાવશો.
