________________
T કર્તા: શ્રી લબ્ધિવિજયજી મ.
(દાદા તારા વિના મારા નયન ભીનાં) દાદા તારા વિના, મારા નયન ભીનાં, કોણ લૂછે, મુજ અંતરને કોણ પૂછે . મન મારું રહે છે મૂંઝાતું, મુજ દિલમાં કંઈ કંઈ થાતું, મન મારૂં ભમે, દિલને કંઈ ના ગમે, શૂન્ય રહે છે. મુજ..૧ તલસી રહ્યો પણ કોઈ નહીં સાથી, સૌ છે સ્વાર્થના સંગાથી; અંધકાર મહીં, અટવાયા કરું, નવી સૂઝે મુજ.. ૨ આધી વ્યાધિ ઉપાધિ, અનેરી, મોહમાયાની છાયા છે ઘેરી; સુખ શાંતિ વિના, રસ જીવનમાં, નવી રહે. મુજ..૩ જલ વિના જેમ મીન રહે તલસી, તેમ તુમ દર્શનનો હું પ્યાસી; કૃપા દૃષ્ટિ કરો, અમી વૃષ્ટિ કરો, આશા એ છે. મુજ..૪ જ્ઞાનદિપકનો તું છે મિનારો, મુજ મુક્તિ નૈયાનો કિનારો; દાસ તારો ગણી, એનો નાવિક બની, તારી લેજે મુજ. ૫ સુણ સિધ્ધાચલ વાસી વ્હાલા, મુજ અંતરના કાલાવાલા; આત્મકમલ વિકાસી, લબ્ધિ દિલમાં પ્રકાશી, મુક્તિ દેજે મુજ ૬
